薩莉亞意式餐廳 (寶輪街) (已結業)

2019年2月19日（星期二）拎咗第一次公共交通費用補貼，好開心！一於食番餐！晚飯時段，等左一兩張枱就可以入座！小食精彩中華沙律盛惠$9 ，平盡香港！爽甜清新，唔食就蝕底!鐡板鯖魚熱辣辣，好味道！魚肉柔潤軟滑、香氣撲鼻！魚皮佈滿油花，冇得彈！滋味主食香濃芝士意大利飯，芬芳馥郁，愈食愈開心🤗西蘭花意粉小小辣、滲着香甜美味嘅橄欖油，依然輕盈可口！自助𣈱飲吧水皮熱飲機出水位上方冒煙，可能係失靈！朱古力、咖啡都係苦嘅！無奈！埋單唔駛$130，價廉物美！冇因價錢平而犧牲食物質素，抵讚！