茶作 (已結業)

我本身好喜歡飲茶，每日都無茶不歡，日本茶、中國茶、西茶都合我心意，所以我啲同事就帶左我去一間新蒲崗嘅隱世小店－茶作，呢間鋪雖然位於工廈，都唔係難搵。係鋪前已經聞倒陣陣嘅茶香，原來呢間鋪頭唔只係飲茶，出售茶葉、茶具等，仲有茶味手工雪糕食。平時綠茶雪糕就見得多，普洱，鐵觀音雪糕真係第一次見，好特別！同同事叫左幾款茶味雪糕，有半熟普洱、鐵觀音、玄米、玫瑰味，自已就食普洱味雪糕，一入口唔係好食得出普洱味，但當你慢慢含住係口中，就會有普洱嘅回甘味，茶本身係好解膩加埋厚滑嘅雪糕，食完成個人感覺好清新。下次要試埋其他茶味先得！成間鋪嘅氛圍都好relax，拎住本書，係度嘆杯茶，你話係幾寫意嘅生活呢！