影片
更多
2023-01-04
765 瀏覽
放假同朋友嚟單車館公園行下，之後一齊食晏。想搵間坐得舒服又可以傾下偈嘅餐廳，上網見到 TKO Gateway 呢間「Coffee Break」嘅環境唔錯，提議試下。店舖嘅設計幾有特色，紅磚牆身、雲石紋餐檯，再配以黑白 Cushion，裝潢雅致富品味，加上植物作點綴，Chill 得嚟又有份悠閒感。我哋每人點咗一個午餐，套餐奉送 $30 飲品一杯，如選擇其他價錢飲品，亦只需補回差額。西班牙辣肉腸蕃茄芝士薄餅 ($98) Pizza 焗得啱啱好，餅底煙韌，邊位咬落鬆脆，每啖都滲出天然麵粉香。面頭鋪滿了辣肉腸、芝士同 Sundried Tomatoes。辣肉腸味道夠濃，入口帶咸香，加埋 Mozzarella，雙重滋味，趁熱食仲有拉絲效果。另外呢客德國豬手配薯條及酸菜 ($168) 賣相亦非常吸引，豬手勁大隻，外皮脆卜卜，內裡肉質依然嫩滑，鹹度亦恰好，入口肉嫩汁豐，配埋旁邊嘅酸菜一齊食，更可中和膩感。伴吃嘅薯條水準亦唔錯，咬下非常熱辣，外脆內軟，好香薯仔味，但食落又唔會油淋淋，值得一讚。跟餐飲品點咗 Iced Mocha (+$12) 同 朱古力咖啡沙冰 (+$25)，凍咖啡提神又易入口，甜
放假同朋友嚟單車館公園行下，之後一齊食晏。想搵間坐得舒服又可以傾下偈嘅餐廳，上網見到 TKO Gateway 呢間「Coffee Break」嘅環境唔錯，提議試下。
店舖嘅設計幾有特色，紅磚牆身、雲石紋餐檯，再配以黑白 Cushion，裝潢雅致富品味，加上植物作點綴，Chill 得嚟又有份悠閒感。
我哋每人點咗一個午餐，套餐奉送 $30 飲品一杯，如選擇其他價錢飲品，亦只需補回差額。
西班牙辣肉腸蕃茄芝士薄餅 ($98) Pizza 焗得啱啱好，餅底煙韌，邊位咬落鬆脆，每啖都滲出天然麵粉香。面頭鋪滿了辣肉腸、芝士同 Sundried Tomatoes。辣肉腸味道夠濃，入口帶咸香，加埋 Mozzarella，雙重滋味，趁熱食仲有拉絲效果。
另外呢客德國豬手配薯條及酸菜 ($168) 賣相亦非常吸引，豬手勁大隻，外皮脆卜卜，內裡肉質依然嫩滑，鹹度亦恰好，入口肉嫩汁豐，配埋旁邊嘅酸菜一齊食，更可中和膩感。
伴吃嘅薯條水準亦唔錯，咬下非常熱辣，外脆內軟，好香薯仔味，但食落又唔會油淋淋，值得一讚。
跟餐飲品點咗 Iced Mocha (+$12) 同 朱古力咖啡沙冰 (+$25)，凍咖啡提神又易入口，甜甜嘅 Cream 令人心情愉快！沙冰大大杯，朱古力味突出之餘，入口更滲出咖啡嘅甘醇，美味。
張貼
