C1 Café Bistro (已結業)

對佐敦區嘅cafe一向都印象不錯, 而呢間C1 Cafe環境同樣舒適, 適合同朋友一邊談天、一邊享受精緻美食。各人先黎一杯飲品, 冰凍蜜桃茶感覺非常清新天然, 解渴, 而且仲真材實料, 跟鮮蜜桃、椰果一同享用, 非常適合夏日品嚐。而意式即磨咖啡香味極濃, 配上熱騰騰嘅鮮奶, 極具誠意。我地所叫嘅Set Dinner除左附屬餐飲之外, 亦跟隨一客餐湯: 龍蝦湯質地濃稠, 入口頗有層次, 而且蝦味濃郁, 感覺不錯。接著有香煎虎蝦沙律檸檬醋汁: 虎蝦煎過之後, 味道香盛, 而蝦肉質感彈性, 配上酸酸既檸檬醋汁, 令沙津菜及蝦肉味道更勝一籌。主菜時間, 芝士菠菜忌廉汁扁意大利粉: 芝士汁質感唔會太稠, 但味道仍然足夠。彈牙嘅意粉、菠菜及香茹跟忌廉汁非常合拍, 即使份量再大, 我地亦可以輕鬆應付!另外再叫左一份BBQ醬燒豬肋骨: 豬肋骨肉厚, 亦都鬆軟易嘴饞, BBQ醬亦都調較得出色, 味道唔會太濃。粗身嘅炸薯條亦好好食, 唔會太乾身!最後有一客焦糖果仁斑戟配雲呢拿雪糕。果仁脆口, 斑戟鬆軟易入口, 雪糕塗抹於斑戟上吃, 三位一體, 滋味非常。