Lockeroom Zoom Football Restaurant (山頂廣場) (已結業)

最近天氣愈來愈熱，放狗的地方變得愈來愈少，突然間心血來潮不如上山頂行下，又有冷氣，又可以輕輕行山，兩只野有街街去不知幾開心．太耐無上山頂原來而家大部分餐廳都寫住歡迎寵物，真好窩心，我地行左去一間足球主題的餐廳，之前都食過類似的主題餐廳，但今次呢個係唔單止支持一個球會，哈哈，雖然作為利迷，見唔到利物浦的展覽品有少少失望，但望到其他球會的展覽品真係英國讀書感覺返哂黎。間餐廳成個場感覺好舒服，有露天位置但真係太熱，餐廳都容許寵物坐室內地方，實在抵讚！食物方面我地太肚餓的關係叫左兩個Burger再加一份薯條，因為大頭蝦無見到原來Burger本身已經跟薯條，哈哈！不過唔緊要啦，松露醬薯條好好食，出面有好多所謂的松露醬得少少，呢到有足夠的份量俾你點。Burger黎講叫左和牛鵝肝漢堡同埋冰島蝦堡，蝦堡有芥末醬夾埋台灣鳳梨係吸引的，塊蝦仲好大塊添。但和牛鵝肝漢堡吸引啲，因為夠 Juicy，已經叫左少醬都好Juicy。最後我地仲有個蘋果金寶芝士蛋糕，呢個幾特別，蘋果金寶脆脆夾埋芝士餅，又唔會漏ｗｏ，你見我地食左咁多薯條都仲食得落就知啦！