Niksen Koffie (已結業)

🥣脆炸慢煮豬腩甜酸醬拌麵🥣：💰$168意粉醬汁似咕嚕汁酸酸甜甜，幾開胃，配菜有菇片，意粉軟硬適中，4片薄切慢煮豬腩，外皮脆，豬肉同脂肪比例均勻，脂肪具彈性，燒肉香味出，慢煮令到肉質好嫩口。套餐包埋一件迷你芒果拿破崙，一口size，千層好酥脆，芒果清甜。🥣避風塘香辣軟殼蟹意粉🥣：💰$128原隻軟殼蟹炸皮酥脆調味夠，有好多蟹膏，避風塘味出色，獨有的香辣蒜味，意粉好乾身幾吸到醬汁，融合蒜香、辣椒辛辣同海鮮鮮甜味，呢個中西合璧搭配都幾令人驚喜。🍰一日提拉米蘇🍰：💰$78第一次見tiramisu 面上鋪左一層薄薄麻薯，好煙韌，蛋糕體有足料Mascarpone cheese，淡淡咖啡味夾住一層苦味朱古力醬，味道平衡得幾好，岩晒唔好咖啡味重既朋友🥰🥤多明尼加60%朱古力🥤：推介⭐️套餐會包$52或以下飲品，呢杯打卡夠靚，每啖可以品嘗到香濃滑既朱古力味，60%苦味適中，唔會太甜，一定要認真細味🍫🥤洛神花樣🥤：💰$36叫返杯無糖茶消一消滯，茶有少少酸，除左洛神花酸味仲隱約帶出左其他花香味。