越旺美食 (裝修中)

舊舖執咗之後，新鋪又搬遠左。加上經常Work from Home，好少出大角咀。喺大角咀放工，個心囉囉攣勁想食咖喱炒飯。但係落勁大雨，本來想打消念頭直接返屋企。點知落到街佢即刻停雨，即係注定要我過嚟買。嚟到新店見佢啲價錢同以前都有段距離，但係實在太耐冇食，點都要豪一豪。原來而家加雞扒要加多$20 ，咁加多$9要買杯紅豆冰剛剛好$100。個紅豆冰唔似得出邊咁會死甜，同埋啲豆煮得好腍，不過外賣就細杯咗少少。以前用發泡膠蓋而家嘅話轉咗膠盒望落去好似細盒咗，但係Pat出嚟嘅話個份量都幾足夠雞扒就感覺上被以前厚咗。急不及待試咗一啖咖喱炒飯，有少少失望，失望嘅位係冇以前咁辣，下次食嘅時候要堂食再加多少少咖喱，個鑊氣都係夠嘅。