影片
更多
2013-05-22
94 瀏覽
上年4月, 我同女朋友一齊去日本關西玩 (本牛有生之年第一次離開香港) , 當年係走之前係大板行, 去到一家叫一風堂既拉麵店, 食完後回味無窮, 返到香港都成日想住佢.點知道年尾係接女朋友放工時, 係德福廣場見到一風堂開分店, 先知道原來香港已經有一風堂進注, 不過都好期待, 因為好想回憶返當日既滋味.我就係佢地開店之後不欠就去試了試, 為了尋回當日滋味.當日入日本一風堂, 佢地以大檯為主, 用食具調味料等等東西來分隔, 和香港常見的二/四八人檯大不同...... 香港的一風堂都差唔多相同, 如果人數小的話坐起來沒什麼問題, 可是如果多人的話就有小小不便了檯中央間開兩邊既物品係各種自助調味料和水壺, 鐘意食蒜頭既朋友佢會好開心, 因為呢度有原粒蒜頭比你自己整蒜泥, 都幾好玩~~ 而且可以自己磨芝麻, 只係玩都好好玩~~呢樣野同日本差唔多一樣, 不過日本板既水壺中既係冰綠茶~可以自己針水飲唔使下下叫人加水, 我覺得係好正既事 (特別係食濃味既野)我就同上次係日本一樣叫左個白丸元味拉麵, 我女朋友就叫左個赤丸新味拉麵一風堂可以自訂麵質, 我就叫左普通硬度既粗身拉麵, 麵質爽口有咬勁, 連同
點知道年尾係接女朋友放工時, 係德福廣場見到一風堂開分店, 先知道原來香港已經有一風堂進注, 不過都好期待, 因為好想回憶返當日既滋味.我就係佢地開店之後不欠就去試了試, 為了尋回當日滋味.
當日入日本一風堂, 佢地以大檯為主, 用食具調味料等等東西來分隔, 和香港常見的二/四八人檯大不同...... 香港的一風堂都差唔多相同, 如果人數小的話坐起來沒什麼問題, 可是如果多人的話就有小小不便了
檯中央間開兩邊既物品係各種自助調味料和水壺, 鐘意食蒜頭既朋友佢會好開心, 因為呢度有原粒蒜頭比你自己整蒜泥, 都幾好玩~~ 而且可以自己磨芝麻, 只係玩都好好玩~~呢樣野同日本差唔多一樣, 不過日本板既水壺中既係冰綠茶~可以自己針水飲唔使下下叫人加水, 我覺得係好正既事 (特別係食濃味既野)
我就同上次係日本一樣叫左個白丸元味拉麵, 我女朋友就叫左個赤丸新味拉麵
一風堂可以自訂麵質, 我就叫左普通硬度既粗身拉麵, 麵質爽口有咬勁, 連同白丸濃郁既湯底一齊食, 很美味!
日式叉燒比較薄身而細塊. 呢方面就同日本既有DD分別 (我記得日本既都算大塊) , 不過佢都好美味,
除左麵之外, 我另外叫左個香煎叉燒漢堡. 熱熱既鐵板上面煎住中等大小既叉燒漢堡, 上面放了一個溫泉蛋, 這個要一送上來時就要盡快食, 因為鐵板真的很熱, 時間久了漢堡肉就會變得老了, 我地就係想慢慢食, 結果肉老左, 蛋汁被鐵板煎成熟蛋了......嗚......雖然味道都係未能比得上日本食既時候, 不過都係香港食到既拉麵之中算係上品, 大家如果有行過德福而又想食拉麵, 大家可以一試!
題外話/補充資料：
[b]1)[/b]. 佢地有自選麵, 大家可以自選麵質粗幼軟硬, 油多油小, 同用咩湯料配料, 價錢都係差唔多.
[b]2).[/b] 如果覺得D麵好食, 大家可以叫替玉, 替玉即係加麵, 不過只有淨麵上, 如果你係大食男想加麵. 記得一開始食既時候唔好猛飲湯, 留返加麵時用, 加麵係無配湯比你架!
(以上食評乃用戶個人意見 , 並不代表OpenRice之觀點。)
張貼
