順興茶餐廳

營業中

休息中

以前喺銅鑼灣讀書經常入黎大坑搵食，順興就係其中一間常到嘅餐廳，因為佢嘅滑蛋叉燒飯真係令人回味無窮，外面有d鋪頭滑蛋做得好好，但叉燒可能始終係攞貨，質料難以控制。惟獨順興嘅滑蛋叉燒飯，無論係滑蛋定叉燒都一樣有水準，再加上自家調製嘅鼓油醬，真係色香味俱全！我記得以前淨係得叉燒同蝦揀，但而家加咗豬扒、魚柳，好多選擇，我朋友點咗滑蛋豬扒飯，一樣咁靚，豬扒表面油光十足，睇見都流口味餐飲一樣夠晒大杯，好抵飲。惟一可以改善係阿姐隻手揸住支飲管，仲要放喺枱面，如果可以有獨立包裝飲管會比較衛生。