影片
更多
2022-06-05
91 瀏覽
富山麵家之前同Melody Crossover，門面靚到不得了，可惜而家鋪面已經風光不再。雖然打唔到卡，但貴為日本東京拉麵show五年冠軍，仍然係咁值得嚟食佢嘅拉麵。餐廳入面嘅裝潢絕對能夠媲美日本嘅拉麵店。好彩入面仍然搵到Melody嘅蹤影，總算有點安慰。最近食乜都要加少少辣，所以就揀咗激辛味噌拉麵。小辣嘅湯底已經有明顯嘅辣度，配合埋彈牙嘅拉麵真係夠晒爽。我就最鍾意佢嘅流心蛋，用嘅雞蛋都充滿濃濃嘅蛋香。北海道牛奶拉麵嘅湯底簡直一百分，味道有啲似卡邦尼意粉，真係有滿滿嘅奶香，拉麵上仲加有粟米粒，同個湯底簡直相映成趣。食到一半先發現，原來佢嘅紫菜係印有富山麵家同Melody個靚樣😍😍。另外仲揀咗啲小食，肉汁滿滿餃子果然帶有肉汁，餡料亦充滿鮮味。富山雞翼味道鹹中帶甜，非常特別，配合埋雞翼上炒香過嘅芝麻，令雞翼更加香口。呢度有我最鍾意嘅日本巨峰碳酸飲料，配埋拉麵特別有日本風味。店員仲特別推介呢個凍鮮泡蜂蜜綠茶，綠茶味特別清香，蜂蜜味亦非常清甜。唔好忘記要清晒所有湯同食物，原來碗底係充滿驚喜㗎！
餐廳入面嘅裝潢絕對能夠媲美日本嘅拉麵店。
好彩入面仍然搵到Melody嘅蹤影，總算有點安慰。
最近食乜都要加少少辣，所以就揀咗激辛味噌拉麵。小辣嘅湯底已經有明顯嘅辣度，配合埋彈牙嘅拉麵真係夠晒爽。
我就最鍾意佢嘅流心蛋，用嘅雞蛋都充滿濃濃嘅蛋香。
北海道牛奶拉麵嘅湯底簡直一百分，味道有啲似卡邦尼意粉，真係有滿滿嘅奶香，拉麵上仲加有粟米粒，同個湯底簡直相映成趣。
北海道牛奶拉麵
$90
4 瀏覽
0 讚好
0 留言
另外仲揀咗啲小食，肉汁滿滿餃子果然帶有肉汁，餡料亦充滿鮮味。
肉汁滿滿餃子
$42
10 瀏覽
0 讚好
0 留言
富山雞翼
$48
6 瀏覽
0 讚好
0 留言
店員仲特別推介呢個凍鮮泡蜂蜜綠茶，綠茶味特別清香，蜂蜜味亦非常清甜。
凍鮮泡蜂蜜綠茶
$15
2 瀏覽
0 讚好
0 留言
張貼
