金發·順德干蒸菜

營業中

休息中

乾蒸嘅煮法除咗健康啲之外，亦能夠品嘗食物嘅原味道，細味「鮮」嘅美味。嚟到位於佐敦嘅金發•順德干蒸菜，就以廣東順德嘅家鄉菜式作主打，用乾蒸呈獻食物最地道嘅滋味。枸杞葉豬潤湯用料豐富，大量嘅枸杞同豬潤，帶領整個湯嘅濃郁香味，而新鮮嘅豬潤好爽口。另外，加入杞子同薑絲，除咗令湯嘅層次增加，更可以減輕豬潤嘅臊味。啫啫豬雜上枱仲有渣渣聲，真係夠晒熱辣辣！豬雜有豬腸、豬肝、豬腰同豬心等，全部都非常新鮮，加上薑、蔥、蒜同洋蔥一齊爆香，非常香口惹味。乾蒸白鱔餐廳主打「不落一滴水，猛火1000度」，令乾蒸後嘅白鱔，肉質非常滑溜。調味只係簡單用咗豆豉、蔥同薑絲，將魚嘅鮮味帶出。而因為用乾蒸嘅方式，令到魚皮變乾而脆，更將魚油迫出，非常鮮甜。