Eaaat.here

營業中

休息中

封門柳火鍋燒肉放題（$288@，不收加一）無睇錯，係火鍋 + 燒肉，一次過滿足兩個願望。火鍋有五款湯底揀，清清哋揀咗鰹魚鍋；燒肉係用酒精爐加坑紋鐵板。落單係用剔紙仔，並唔係依家普遍用嘅自助 scan QR code 落單。・封門柳，總共食咗4碟，碟碟都唔錯，大碟，唔係薄切，有啲厚度，唔多肥膏，燒肉同火鍋都啱，有肉味，尚算嫩身，唔嚡。・牛舌，食咗2碟，有大有細，正常厚度，比較啱用嚟燒，爽口，唔韌。・鯛魚片，食咗2碟，大片，有啲厚度，見人講用嚟燒，即管試吓，又真係幾好食，微微脆身，魚皮及魚肉都爽口，肉質紮實唔會散開，如果用嚟火鍋，肉質就滑啲，魚味會多少少。・牛肩胛，純粹要咗1碟試吓，大大片，偏瘦，少少肉味，唔算嚡但唔係嫩，只適合火鍋。・極上豚，又係要咗1碟試吓，肉質偏爽，火鍋同燒肉都可以。其他火鍋配料唔算好多，但因為主要都係食肉，所以無咩所謂，要咗紫菜響玲、牛柏葉、水魷魚、芥末魚丸、墨魚丸、皮蛋、同埋幾款蔬菜，全部都合格以上（啲蔬菜幾新鮮靚仔）。另外仲有幾款小食，炸午餐肉、一口芝士、吉列炸蝦、吉列炸帶子，全部即叫即炸，脆卜卜熱辣辣，不錯。最後飲品，款式唔算多，基本嘅罐裝汽水、盒裝茶、手沖咖