喜記蟹將軍

營業中

休息中

家人生日諗住請佢哋食九大簋，點知壽星公話好想食蟹，即時上網搵到喜記蟹將軍。喜記終於開到嚟尖沙咀美麗華商場啦！地方更加精緻，行完街有個靚地方坐低，一大班親友聚下。豉椒炒蜆頭盤小食已經好惹味，豉椒炒蜆鮮甜唔腥，無沙有驚喜。青瓜拌海蜇天氣炎熱，當然唔少得涼拌小食，追加青瓜拌海蜇，口感爽脆煙靭，好好食！清蒸奄仔蟹不時不食，時令奄仔蟹，正好新鮮直送，蟹身大隻，清蒸原汁原味，蟹肉鮮甜，味道不錯。價錢合理，非常抵食。牛油鹽燒奄仔蟹同樣是奄仔蟹，牛油鹽燒的煮法比起，清蒸更加惹味，牛油鹽燒味道更豐富。拆開奄仔蟹見到超多膏，食落甘香，質感綿糯，而且啖啖肉，肥美鮮甜，充滿牛油香氣。金銀蛋時蔬喜歡吃炒香了的蒜粒、鹹蛋粒和皮蛋粒，蔬菜配搭上湯，吸收上湯的精華，味道香甜，極佳又健健康康。大漠風沙雞很有香港特色的風沙雞，叫得做大漠，就係炸子雞面頭鋪上一層炸蒜碎。食物別有一番風味，嫩滑的雞肉，滲透了蒜香味。奄仔蟹粥最後是我一向很欣賞的綿綿奄仔蟹粥，蟹膏令到粥底特別香嫩綿滑，提升滋味，簡直就係人間美食。薑茶番薯糖水我因為驚食蟹都會寒涼或者濕熱，食返碗薑茶番薯糖水，好味，絕對係暖胃佳選。