大灰熊廚房 (裝修中)

今日去完將軍澳海邊行完donki，行行下經過見到呢個未行過去商場，望一望原來就係換身份證果度黎，見到入面有間中餐小菜館，就試下佢啦。望落餐牌都係比較家庭式既中餐，而且價格唔貴，仲有二人餐同四人餐，幾適合一家大細黎食。拔絲咕嚕肉 $118平時去親小菜館都一定係會叫咕嚕肉黎食，呢個咕嚕肉既糖醋汁唔會太酸，好好送飯，外層鬆脆，帶有少少拔絲既感覺，值得一試。馬來咖哩牛腩 $138馬來咖哩既特色就係辣而香，而佢地既咖哩的確可以做到香辣既感覺，配一碗白飯真係無得輸。牛腩煮得好淋身入味，仲有幾舊牛筋，兩個人share岩岩好。涼拌青瓜 $38因為之前我地食兩道菜都係比較濃味，叫返碟比較清既涼拌青瓜balance下，感覺比較清新。青瓜加左少少醋，都幾開胃。