和將居酒小廚 (已結業)

平時唔算太多機會去到將軍澳，難得今日經開將軍澳嗰邊，就同朋友發掘下有啲乜嘢新餐廳啦！今次嚟到呢個位於將軍澳唐俊街The Parkside Mall和將居酒小廚 試一試先～佢哋食物餐牌有唔同類別，分別有日式串燒、刺身、佐酒小食、食事、其他類別。今次點咗 ：日式 串燒拼盤 （牛肋條、雞肉、帆立貝、日本青椒仔、翠玉瓜）刺身 三點盛 （甜蝦、帶子、三文魚）佐酒小食 拼盤 （日式餃子3隻、炸章魚丸3粒、芝麻雞翼2隻）、日式芝士蛋糕 、密瓜梳打、提子梳打。首先講吓佢哋環境旺中帶靜，靠住地舖窗邊可以見到出邊嘅風景，幾適合同朋友慢慢坐低飲吓嘢傾吓計。由於當日我同朋友主要係點小食為主，想試多啲佢哋嘅串燒炸物，我哋選咗嘅都係拼盤為主，因為比較方便有齊啲嘢唔使自己選擇其中我自己好鍾意食佢嘅芝麻雞翼，因為佢個外皮炸到幾脆卜卜，仲要熱辣辣咬落去口感唔錯 另外大家都可以試吓佢哋嘅刺身，因為始終食咗啲熱辣辣比較熱氣嘅嘢再食返啲涼兩地嘅刺身，成個感覺中和返冇咁熱氣～