影片
更多
2014-12-15
6062 瀏覽
將軍澳年輕人口多，造就不少新餐廳進駐。今次就試呢間新開嘅日韓式燒烤放題。 位置唔易搵，喺商場仲要轉𨋢上2樓，一到門口已見到非常搶眼招牌。呢次食晚市，每位$198+10%服務費。 由於做緊團購，是日全場爆滿，我因為提早訂位，所以一嚟就可以入座。因暫時未有酒牌，所以放喺枱嘅加$20任飲酒水係未有得供應嘅。 餐廳內部裝修新潮簡約，格局主要分六個食物區，生肉、前菜、熟食、壽司剌身、飲品(其實只係得豆漿同酸梅湯)同甜品枱。 生肉都係大路貨色，無甚驚喜，但用料新鮮企理，唔會水淋淋，而且REFILL速度甚高，加上提供生菜，用嚟包住燒肉嚟食，無咁熱氣兼充滿韓式風味，印象分滿分。 熟食、剌身、甜品都係中規中矩，選擇不多，尤其前菜只得泡菜、芽菜、枝豆寥寥幾款，應該要改善一下。 反而甜品有喧賓奪主感覺，雖然士多啤梨朱古力噴泉非常搶眼，但佔三份一地方提供甜品就有啲本末倒置。 呢度標榜無煙燒烤，爐底用鐵網，又真係無咩油煙👍👍，而且侍應反應迅速，收碟換爐面都自動自覺。 餐廳於每枱都有三款汁料，
將軍澳年輕人口多，造就不少新餐廳進駐。今次就試呢間新開嘅日韓式燒烤放題。
位置唔易搵，喺商場仲要轉𨋢上2樓，一到門口已見到非常搶眼招牌。呢次食晚市，每位$198+10%服務費。
由於做緊團購，是日全場爆滿，我因為提早訂位，所以一嚟就可以入座。
因暫時未有酒牌，所以放喺枱嘅加$20任飲酒水係未有得供應嘅。
餐廳內部裝修新潮簡約，格局主要分六個食物區，生肉、前菜、熟食、壽司剌身、飲品(其實只係得豆漿同酸梅湯)同甜品枱。
生肉都係大路貨色，無甚驚喜，但用料新鮮企理，唔會水淋淋，而且REFILL速度甚高，加上提供生菜，用嚟包住燒肉嚟食，無咁熱氣兼充滿韓式風味，印象分滿分。
熟食、剌身、甜品都係中規中矩，選擇不多，尤其前菜只得泡菜、芽菜、枝豆寥寥幾款，應該要改善一下。
反而甜品有喧賓奪主感覺，雖然士多啤梨朱古力噴泉非常搶眼，但佔三份一地方提供甜品就有啲本末倒置。
呢度標榜無煙燒烤，爐底用鐵網，又真係無咩油煙👍👍，而且侍應反應迅速，收碟換爐面都自動自覺。
餐廳於每枱都有三款汁料，燒肉豉油、檸檬醋同麻油鹽，但最出色都係韓式豆瓣醬，配搭燒肉簡直係畫龍點睛，完全帶出肉嘅鮮味。
整體而言，餐廳裝修這新精緻，環境清潔，食物質素高但款式不多，期待可增加前菜及肉類選擇，如果可以提供啤酒，就更有韓燒FEEL喇。
張貼
