影片
更多
2022-09-22
118 瀏覽
因為好耐冇食過潮州菜，咁今次就去咗將軍澳嘅陳儀興飯店度試試佢。咁入到去呢環境都幾中式，相對比較安靜同乾淨，唔會話好似以前啲打冷一樣咁嘈吵。🥳陳儀興飯店本身就係主打好多唔同嘅潮州菜同埋粵菜，所以基本上都好多唔同嘅滷水食物、海鮮同鑊氣小菜可以選擇，應有盡有。一坐底冇耐，餐廳已經比定啲幾款醬汁同埋問我哋要咩茶。咁我哋就叫咗好少可以喺餐廳度見到嘅菊花茶，味道幾清香，就唔會話好甜。食物方面 ,咁我哋就試咗幾款出名嘅餸菜。包括燉湯、滷水鵝、蠔餅同埋黃金雞軟骨。茶樹菇杞子圓肉燉烏雞見舖頭好似出咗2款燉湯—姬松茸無花果雪耳雞湯同埋茶樹菇杞子圓肉燉烏雞，咁就試吓其中一款。燉湯一嚟到，成碗超級熱同香。而且入面嘅湯料比起其他餐廳嘅湯都尚算足料。飲落味道就偏濃郁，茶樹菇嘅味好出。滷水鵝滷水鵝嘅肉質幾結實，但又唔會好柴，點埋醋同辣椒油就更加好食。而且鵝件下面有滷水豆腐墊底，豆腐嘅滷水味幾濃。蠔餅一上到枱超級大份，足足有兩大塊蠔餅。夠幾個人一齊分享。蠔嘅份量都算多同飽滿，食落超級酥脆，陣陣蛋香味，點埋醬一流。黃金雞軟骨同樣都係炸物，但絲毫沒有遜色。口感一樣係咁脆，食落有陣陣嘅鹹蛋味。🤤幾啱當佐酒小食嚟食，不知不覺
陳儀興飯店本身就係主打好多唔同嘅潮州菜同埋粵菜，所以基本上都好多唔同嘅滷水食物、海鮮同鑊氣小菜可以選擇，應有盡有。
一坐底冇耐，餐廳已經比定啲幾款醬汁同埋問我哋要咩茶。咁我哋就叫咗好少可以喺餐廳度見到嘅菊花茶，味道幾清香，就唔會話好甜。
食物方面 ,咁我哋就試咗幾款出名嘅餸菜。包括燉湯、滷水鵝、蠔餅同埋黃金雞軟骨。
茶樹菇杞子圓肉燉烏雞
見舖頭好似出咗2款燉湯—姬松茸無花果雪耳雞湯同埋茶樹菇杞子圓肉燉烏雞，咁就試吓其中一款。
燉湯一嚟到，成碗超級熱同香。
而且入面嘅湯料比起其他餐廳嘅湯都尚算足料。
飲落味道就偏濃郁，茶樹菇嘅味好出。
滷水鵝
滷水鵝嘅肉質幾結實，但又唔會好柴，
點埋醋同辣椒油就更加好食。
而且鵝件下面有滷水豆腐墊底，豆腐嘅滷水味幾濃。
蠔餅
一上到枱超級大份，足足有兩大塊蠔餅。
夠幾個人一齊分享。
蠔嘅份量都算多同飽滿，食落超級酥脆，
陣陣蛋香味，點埋醬一流。
黃金雞軟骨
同樣都係炸物，但絲毫沒有遜色。
口感一樣係咁脆，食落有陣陣嘅鹹蛋味。🤤
幾啱當佐酒小食嚟食，不知不覺會一粒一粒咁食曬。
作為潮州打冷嘅老字號嚟講,環境都幾舒服，同埋啲食物質素都算不錯，所有嘢都好味又大份。兩個人去食完全盡興而歸，十分飽。
張貼
