影片
更多
2021-12-21
68 瀏覽
【將軍澳真係咩都有得食系列 - 三原鐵板燒】諗唔到想食咩就第一時間search將軍澳，事關將軍澳海濱附近開左好多新餐廳🧐然而…即興地竟然比我地book到三原📣我地叫左兩個【一人前 • $1,080/$1,280】，價錢分別在於和牛薄燒定厚燒。✍🏻(按上菜次序)▪️特選前菜盛盤前菜有沙律、水雲同日式蒸蛋，係一個好開始。沙律加左芒果汁，完。水雲面頭有d山芋泥，即係淮山，酸酸地好開胃。蒸蛋好滑，但唔夠熱，入面無任何配料，單純一個蒸蛋，同平時食開點都有d海鮮既唔同😆▪️本日精選刺身刺身係兩件細細既左口魚海膽卷(入面有d芽蔥?)，亦有蟹肉同三文魚子。一啖食晒件左口魚海膽卷唔係太發現到海膽既存在，味道較淡，無食到海膽既清甜，但亦無苦澀。幸好有三文魚子為呢個刺身帶返d味道。▪️甘鯛配海膽黑松露汁 | 📣推介餐廳選用赤甘鯛，用油溫煎，而魚皮無去魚鱗，令到魚皮好似炸既一樣，做出外脆內軟既效果。切落去魚肉唔會好易散同魚皮都唔會碎晒(💬咁當然唔好切到好細舊咁)，點埋海膽黑松露汁食，好出色👍🏻▫️香煎鵝肝(單點) • $148鵝肝煎得唔夠香口，唔係外脆內軟，食既時候好似成口油咁，無乜口感。配醬係黑醋。▪️香煎南非鮑魚配
諗唔到想食咩就第一時間search將軍澳，事關將軍澳海濱附近開左好多新餐廳🧐然而…即興地竟然比我地book到三原📣我地叫左兩個【一人前 • $1,080/$1,280】，價錢分別在於和牛薄燒定厚燒。
✍🏻(按上菜次序)
▪️特選前菜盛盤
前菜有沙律、水雲同日式蒸蛋，係一個好開始。沙律加左芒果汁，完。水雲面頭有d山芋泥，即係淮山，酸酸地好開胃。蒸蛋好滑，但唔夠熱，入面無任何配料，單純一個蒸蛋，同平時食開點都有d海鮮既唔同😆
▪️本日精選刺身
刺身係兩件細細既左口魚海膽卷(入面有d芽蔥?)，亦有蟹肉同三文魚子。一啖食晒件左口魚海膽卷唔係太發現到海膽既存在，味道較淡，無食到海膽既清甜，但亦無苦澀。幸好有三文魚子為呢個刺身帶返d味道。
▪️甘鯛配海膽黑松露汁 | 📣推介
餐廳選用赤甘鯛，用油溫煎，而魚皮無去魚鱗，令到魚皮好似炸既一樣，做出外脆內軟既效果。切落去魚肉唔會好易散同魚皮都唔會碎晒(💬咁當然唔好切到好細舊咁)，點埋海膽黑松露汁食，好出色👍🏻
▫️香煎鵝肝(單點) • $148
鵝肝煎得唔夠香口，唔係外脆內軟，食既時候好似成口油咁，無乜口感。配醬係黑醋。
▪️香煎南非鮑魚配海之幸汁 | 📣推介
鮑魚煎到淋得黎彈牙有咬口，唔會好似咬緊擦膠咁，另配有兩款醬料：鮑魚肝醬同蕃茄乾蔥醬。蕃茄乾蔥醬既乾蔥味重過蕃茄味，試一試就可以；鮑魚肝醬既質感好似炒左既蝦膏醬，雖然應該好肥，但唔理啦好正呀🥲
▪️波士頓龍蝦配龍蝦汁🦞
波士頓龍蝦比起澳洲龍蝦少d膏但多左2隻鉗，咁就多d肉食，肉質都算彈牙。龍蝦汁用左15斤龍蝦整汁，好濃味，如果覺得太濃仲可以配水菜絲。
▪️季節野菜燒
和牛薄燒/厚燒配有蕃薯、菇、豆腐同大蔥。
▪️A5宮崎和牛薄燒/肉眼厚燒(80g)配青森縣蒜片 | 📣推介
和牛薄燒係有一大片和牛，包左青森縣既蒜片同水菜絲，上面有蛋汁，營造左sukiyaki既感覺；厚燒我地叫左五成熟，煎到外脆內軟仲要keep到五成熟，入口即溶，正到叫左出黎🤤個人覺得厚燒好食過薄燒！
▪️經典蒜蓉炒飯、醬菜、麵豉湯
平時鐵板燒多數都係食蛋炒飯，今次呢個經典蒜蓉炒飯淨係用蒜蓉炒，後期先落蔥，炒到好似飯焦咁，好香蒜蓉味同好脆。
▪️甜品
甜品有兩款：雞蛋布甸或者brownie。我揀左brownie，仲叫左豆腐雪糕($28)，雪糕好重豆腐味，絕配。
總括黎講，陸續有黎呀😎👍🏻溫馨提示：要提早至少3-5日book位呀📣
P.S. 店員好細心咁講解每一道菜，好有禮貌☺️
甘鯛配海膽黑松露汁
6 瀏覽
0 讚好
0 留言
香煎鵝肝
3 瀏覽
0 讚好
0 留言
香煎南非鮑魚配海之幸汁
3 瀏覽
0 讚好
0 留言
波士頓龍蝦配龍蝦汁
6 瀏覽
0 讚好
0 留言
A5宮崎和牛薄燒配青森縣蒜片
4 瀏覽
0 讚好
0 留言
A5宮崎和牛肉眼厚燒(80g)配青森縣蒜片
4 瀏覽
0 讚好
0 留言
經典蒜蓉炒飯、醬菜、麵豉湯
3 瀏覽
0 讚好
0 留言
brownie & 豆腐雪糕
1 瀏覽
0 讚好
0 留言
張貼
