影片
更多
2019-07-16
426 瀏覽
屋企附近愈來愈多新餐廳，今日心血來潮想飲黑糖珍珠鮮奶，所以就Search附近邊到有台式餐廳，點知比我揾到間！呢間餐廳都幾大，雖然有人排隊，但唔會等太耐。九份•十分比香港一般的台式餐廳選擇更多更廣，除了有多款台式小炒及料理外，仲有多款台式小食！古早醉雞整得非常入味，雞肉的口感唔算特別嫩，但咬入雞肉時，酒的香氣隨此滲出。雞皮夠滑溜但唔會太厚太肥。我去台灣旅行時，我每日起碼食一份手抓餅！餐廳呢份培根雞蛋拉絲手抓餅有齊晒我心愛的配料，加上加入大量的芝士係鐵板上，食的時候除了有拉絲效果外，仲夠曬熱辣辣。蚵煎係食台灣菜的Must Have。呢份蚵仔煎得圓碌碌。同台灣的蚵煎一樣，係生菜上倒入有「彈性」的粉漿，入口有咬口但唔會痴牙。每粒蚵仔都飽滿，味道唔會腥！如果佢可以煎得再香少少，就可以將台灣食的味道神還原啦～係香港的台式餐廳，個個都只係燒/煎香台灣的腸就賣，但真係無咩餐廳會賣大腸包小腸！係香軟煙韌的糯米腸上放住夾住蒜片的台式香腸，上面再灑上肉鬆。忌廉芝士蘑菇雞翅有分2隻同4隻。餡的芝士的量唔多，都係以忌廉為主，再加以蘑菇。整體不錯，如果可以再炸得出面脆少少，入面可以多少少芝士就一定更吸引。雖然已經
九份•十分比香港一般的台式餐廳選擇更多更廣，除了有多款台式小炒及料理外，仲有多款台式小食！
古早醉雞整得非常入味，雞肉的口感唔算特別嫩，但咬入雞肉時，酒的香氣隨此滲出。雞皮夠滑溜但唔會太厚太肥。
古早醉雞
$62
6 瀏覽
0 讚好
0 留言
我去台灣旅行時，我每日起碼食一份手抓餅！餐廳呢份培根雞蛋拉絲手抓餅有齊晒我心愛的配料，加上加入大量的芝士係鐵板上，食的時候除了有拉絲效果外，仲夠曬熱辣辣。
蚵煎係食台灣菜的Must Have。呢份蚵仔煎得圓碌碌。同台灣的蚵煎一樣，係生菜上倒入有「彈性」的粉漿，入口有咬口但唔會痴牙。每粒蚵仔都飽滿，味道唔會腥！如果佢可以煎得再香少少，就可以將台灣食的味道神還原啦～
係香港的台式餐廳，個個都只係燒/煎香台灣的腸就賣，但真係無咩餐廳會賣大腸包小腸！係香軟煙韌的糯米腸上放住夾住蒜片的台式香腸，上面再灑上肉鬆。
忌廉芝士蘑菇雞翅有分2隻同4隻。餡的芝士的量唔多，都係以忌廉為主，再加以蘑菇。整體不錯，如果可以再炸得出面脆少少，入面可以多少少芝士就一定更吸引。
雖然已經叫左好多野食，不過我們都叫左一份牛肉麵。我今次揀左紅燒半根半腩牛肉麵，大家可以按自己的喜好去揀返去粗定幼麵。
牛腩個樣睇落好乾，不過咬落就好腍。牛筋的煮得入味，無款都值得試。粗麵雖然唔係餐廳手打，不過麵質彈牙，我自己都幾鍾意。
為了填補埋我另一個胃，我們叫左一份珍寶三色粉。雖然話係三色，但事實上佢的配料好豐富，包括珍珠、雪燕、芋丸、桃膠等，味道唔會太甜，係食飽後開心Share真係一流。
好耐無見新鮮的窩夫了！餐廳有四款的窩夫可以揀，但只有一款有芋丸。呢客芋丸珍珠雙色冰淇淋鬆餅的窩夫係即製，所以落單後要等大約15分鐘。雪糕無得揀味道，但咁岩係我最愛的雲尼拿及香芋味。窩夫好新鮮，外面有脆脆的口感，入面係軟軟的。如果味道更重蛋味的話會更正。
黑糖珍珠鮮奶的奶味夠香，黑糖都夠味。拉花紋好靚，整體都有飲品店的水準。
綜合水果茶真係世界級好飲！大家飲之前記住拌勻，入面有好多款生果，味道其中以百香果最出。每次飲的時候，倒係有檸檬冰的小杯到。果味好出，飲到尾的味道都唔會變淡得太利害，絶對值得一試。
==============================
鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)
張貼
