影片
更多
2021-02-23
610 瀏覽
早前發現將軍澳終於有omakase食！試左佢地既6道菜午市omakase都真係幾好食！當然唔可以同最top既omakase比但價錢同質素對等值得一試！1. 前菜有清酒煮螺 / 三文魚魚唇醃青瓜2. 跟住有三點刺身 - 今日食咗油甘魚/貝類/吞拿魚腩 （刺身好新鮮，一般來講我唔鍾意食油甘魚，但今日食既完全冇腥味）3. 燒A4和牛 - 和牛燒到大概三成熟，我平時唔鍾意食啲好肥嘅和牛，但係佢呢個做法令我覺得冇咁油膩，又食到油嘅香味，好食4. 六點壽司 - 魚類都係季節當做嘅- 火炙鱈魚配菊花瓣（火炙之後食到魚油嘅香味，真係好肥美）- 沙甸魚配紫蘇葉醬（原來春天沙甸魚會變肥，佢嘅油脂會蓋過魚嘅腥味，我平時係絕對唔會食沙甸魚，但都OK）- 唔記得咗係邊款魚配魚肝食（呢條不明來歷嘅魚，喺春天嘅時候肝會變大，大到可以去到魚嘅三份一，食到來自魚肝嘅甜味）- 紫菜帶子卷（帶子火炙到大概兩三成熟，加咗七味粉，夾住紫菜嚟食，食到哇一聲）- 馬糞海膽軍艦（成坐山咁高嘅海膽，唔需要多講，有北海道嘅味道）- 雪場蟹肉蟹膏手卷（第一次食呢款手卷，係咁多款壽司入面最無驚喜既，不過都好食嘅）5. 鯛魚湯烏冬 - 湯底係
試左佢地既6道菜午市omakase
都真係幾好食！
當然唔可以同最top既omakase比
但價錢同質素對等
值得一試！
1. 前菜有清酒煮螺 / 三文魚魚唇醃青瓜
2. 跟住有三點刺身 - 今日食咗油甘魚/貝類/吞拿魚腩 （刺身好新鮮，一般來講我唔鍾意食油甘魚，但今日食既完全冇腥味）
3. 燒A4和牛 - 和牛燒到大概三成熟，我平時唔鍾意食啲好肥嘅和牛，但係佢呢個做法令我覺得冇咁油膩，又食到油嘅香味，好食
4. 六點壽司 - 魚類都係季節當做嘅
- 火炙鱈魚配菊花瓣（火炙之後食到魚油嘅香味，真係好肥美）
- 沙甸魚配紫蘇葉醬（原來春天沙甸魚會變肥，佢嘅油脂會蓋過魚嘅腥味，我平時係絕對唔會食沙甸魚，但都OK）
- 唔記得咗係邊款魚配魚肝食（呢條不明來歷嘅魚，喺春天嘅時候肝會變大，大到可以去到魚嘅三份一，食到來自魚肝嘅甜味）
- 紫菜帶子卷（帶子火炙到大概兩三成熟，加咗七味粉，夾住紫菜嚟食，食到哇一聲）
- 馬糞海膽軍艦（成坐山咁高嘅海膽，唔需要多講，有北海道嘅味道）
- 雪場蟹肉蟹膏手卷（第一次食呢款手卷，係咁多款壽司入面最無驚喜既，不過都好食嘅）
5. 鯛魚湯烏冬 - 湯底係餐廳自己熬製，好好飲，清甜有魚嘅香味，飲晒成碗
6. 西瓜/綠茶蕨餅，冇乜特別
成個過程無論侍應，receptionist，壽司師傅，全部十分友善，好努力介紹食物
It’s an enjoyable dining experience!
價錢$680+10%
我覺得值得
希望下次有機會試吓佢哋晚市既omakase
張貼
