緻 (已結業)

難得今晚可以同老婆二人世界，我地收工返屋企擺低行裝就即刻出去將軍澳南搵食，老婆話今晚想食日本野但又唔想食生冷野，所以就決定去Monterey果間日式串燒店緻串燒屋開餐。😋緻串燒屋位於海翩滙商場1樓，餐廳佈置以黑、木色為主調，配上木器及日式海報點綴，富有新派日式風格，店內面積寬敞，坐位舒適。😙由於老婆今日唔想食生冷野，所以我地冇揀到套餐，點左幾款串燒再加埋一款鍋物同炒飯，應該夠哂食。😁厚切牛舌芯 $68牛舌好厚身，外層燒得好香，舌芯部分肉質腍軟，上面加上薑蔥，非常惹味。😍汁燒白鱔 $78白鱔厚肉且肉質嫩滑彈牙，充滿肉汁，表皮燒得香脆，配上芝麻更惹味。感覺好似吃了骨膠原一樣，大滿足。😋加拿大豬拖羅 $48豬拖羅冇預期咁肥，入口肉香味濃，肥瘦有致，非常彈牙，$48非常抵食。😍北海道石狩鍋 $208廚師精選呢款北海道石狩鍋份量好大，三文魚有三件，熟度剛好，湯底清甜，配上豆腐青菜同菇，非常美味。😋松葉蟹肉蟹膏炒飯 $148炒飯好大碟，松葉蟹肉都好多，炒飯唔會太乾，混入蟹膏蟹籽，入口非常鮮美，味道層次豐富。👍🏻食埋個炒飯，飽到要捧住個肚走。😆