影片
更多
2021-07-28
632 瀏覽
為咗配合政府嘅防疫政策，而家都好少約朋友出街食飯，因為我哋係(無飯)夫婦，所以基本上都係餐餐都叫外賣，最近在網站留意到西環有一間專做外賣沙嗲串燒，而家買滿十包更可以獲贈限量版串燒專用電爐，仲可以免費送上門。但係我哋住喺西環所以都好近，急不及待，飲完茶就去門市攞貨，實行把星馬風味帶回家。喺香港大學站B2山道出口直行，經過新開嘅法國超市或者中國銀行分行，之後轉左，再keep住向右望，見到有條樓梯落去嘅就係一口沙嗲專門店嘅交收點。原來一口沙嗲已經有差唔多60年嘅歷史，沙嗲風味係來自馬來西亞嘅柔佛市，時代變遷，風塵樸樸，南北奔走，味道未變。就咁買個電爐要成$300，買滿10包加埋自家製醬料（花生醬）都係$900左右，有成百幾串，一家幾口夠食幾餐，諗住叫多幾個朋友就一以KO 哂佢，咁就可以獲贈電爐一個，即係變相打咗個七折。電爐唔係一次性用完即棄，size尺寸夠細，擺喺屋企唔會佔用太多位置，下次可以自己整串燒喺屋企燒，當然貪佢比一般家用爐具更有風味。四款肉類，牛、豬、雞、羊。香港製造，馬來風味，真空包裝，保持新鮮，沙嗲味不會急速流失。價錢由$75到$85不等，一包十二串，平均一串約$6.5。可以有
喺香港大學站B2山道出口直行，經過新開嘅法國超市或者中國銀行分行，之後轉左，再keep住向右望，見到有條樓梯落去嘅就係一口沙嗲專門店嘅交收點。
原來一口沙嗲已經有差唔多60年嘅歷史，沙嗲風味係來自馬來西亞嘅柔佛市，時代變遷，風塵樸樸，南北奔走，味道未變。
就咁買個電爐要成$300，買滿10包加埋自家製醬料（花生醬）都係$900左右，有成百幾串，一家幾口夠食幾餐，諗住叫多幾個朋友就一以KO 哂佢，咁就可以獲贈電爐一個，即係變相打咗個七折。
電爐唔係一次性用完即棄，size尺寸夠細，擺喺屋企唔會佔用太多位置，下次可以自己整串燒喺屋企燒，當然貪佢比一般家用爐具更有風味。
四款肉類，牛、豬、雞、羊。
香港製造，馬來風味，真空包裝，保持新鮮，沙嗲味不會急速流失。
價錢由$75到$85不等，一包十二串，平均一串約$6.5。
可以有多種煮法，除咗而家最Hit嘅氣炸，煎，BBQ，焗，叮以外，我哋當然跟返廚師食譜(Chef’s Recipe)，Hot Pan and Grill！
真空包裝袋上清楚列明生產商及其地址，大可放心，品質有保證，安全食用，沒有加入味精(MSG )或任何添加劑。
(左上)：手工原味花生醬$40，富堅果香，帶香甜味。
(左下)：手工辣味花生醬$40，醬汁濃稠，辣香突出。
牛肉串燒：不俗，即使well done 熟成度都唔會好難咬，入面仲保持嫩紅色。
雞肉串燒：咁多款之中同花生醬味道最夾，咬口鬆軟Q彈，肉質嫩滑，蘸上原味花生醬提昇肉鮮。
豬肉串燒：中規中矩，五花位置均勻，帶豚脂香。
羊肉串燒：沒有膻味，醃得入味，肉汁多。
張貼
