影片
更多
2021-06-22
437 瀏覽
今日去咗將軍澳海濱散步散吓心😗 發覺呢區越嚟越多高尚住宅，亦都越開越多餐廳👀 仲有唔少商場，兼且有donki進駐添！ 良好嘅條件自然造就咗唔少貴價餐廳，Fine dining，各類西餐應有盡有。我今次覓食就揀咗呢間價錢比較相宜嘅餐廳「緻」💁🏻♀️門面係行日本簡約風，門口出面有張高枱，可以望到少少海景，但今日天氣太熱…都係坐返室內好啲😆 店入面裝修係行日式居酒屋風格，店內面積唔算大，座位唔會排到好逼，都算坐得舒服😌比較咗Menu覺得佢哋個二人前套餐($498)係最抵食👀 有吞拿魚他他、茶碗蒸、麵豉湯、串燒拼盤、比目魚醬油燒、炒飯，再包飲品同甜品🤩 以呢個地段食呢個價錢嘅套餐真係超抵食😼 最後我哋叫咗個二人前再加個炸年糕😛❤️ 吞拿魚他他 配黑蒜、青瓜、檸檬、水菜 吞拿魚切咗粒，吞拿魚魚油唔會太多，相對清爽，配埋面頭嘅脆脆增加咗口感，調味令吞拿魚鮮味更突出🐟❤️ 三文魚籽茶碗蒸一打開蓋見到三文魚籽都幾多，佈滿哂幾乎睇唔到個蛋🤣 微暖嘅茶碗蒸好滑溜，配埋三文魚籽，海鮮味喺口腔內爆發🙊 ❤️ 蜆肉麵鼓湯我對麵豉湯期望唔係特別大，估唔到入面有三粒蜆肉，顯出店主都有心思，唔係淨係淨麵豉湯😼❤️ 串燒拼盤串
門面係行日本簡約風，門口出面有張高枱，可以望到少少海景，但今日天氣太熱…都係坐返室內好啲😆 店入面裝修係行日式居酒屋風格，店內面積唔算大，座位唔會排到好逼，都算坐得舒服😌
比較咗Menu覺得佢哋個二人前套餐($498)係最抵食👀 有吞拿魚他他、茶碗蒸、麵豉湯、串燒拼盤、比目魚醬油燒、炒飯，再包飲品同甜品🤩 以呢個地段食呢個價錢嘅套餐真係超抵食😼 最後我哋叫咗個二人前再加個炸年糕😛❤️ 吞拿魚他他 配黑蒜、青瓜、檸檬、水菜
吞拿魚切咗粒，吞拿魚魚油唔會太多，相對清爽，配埋面頭嘅脆脆增加咗口感，調味令吞拿魚鮮味更突出🐟❤️ 三文魚籽茶碗蒸
一打開蓋見到三文魚籽都幾多，佈滿哂幾乎睇唔到個蛋🤣 微暖嘅茶碗蒸好滑溜，配埋三文魚籽，海鮮味喺口腔內爆發🙊 ❤️ 蜆肉麵鼓湯
我對麵豉湯期望唔係特別大，估唔到入面有三粒蜆肉，顯出店主都有心思，唔係淨係淨麵豉湯😼❤️ 串燒拼盤
串燒有10串，分別有無骨雞翼串、日本白豚五花腩配柚子胡椒醬、加拿大豬拖羅配梅醬、汁燒美國牛西冷、日本山藥、窩荀。 第一次食日本山藥&窩荀串燒，唔太食得慣🤣 日本山藥食起嚟猶如食梨咁爽脆，水份較少，有獨特黏稠口感。窩荀相對多返啲水份，同樣爽口💦
4款肉類串燒，我最鐘意汁燒美國牛西冷，燒到啱啱好而且好juicy，牛味濃郁。其次就係日本白豚五花腩配柚子胡椒醬，五花腩食落油香豐盈，每咬一口都好滋味，師傅仲燒到有少少脆邊👌🏻 配埋柚子胡椒醬確係幾夾。
❤️ 青森比目魚醬油燒
比目魚肉質比想像中更嫩滑一啲都唔柴，醬油將肉汁鎖住，比目魚嘅甜同醬油鹹香完美交融👀❤️ 鰻魚炒飯
呢個係兩人份，鰻魚雖然係切碎上，但分量都好多🙈 炒飯炒到粒粒分明，加埋蟹籽、蛋絲、窩荀粒，口感豐富有咬口！食完真係好飽😂❤️ 宇治金時
抹茶雪糕配抹茶嶡餅🍵 抹茶控點可以錯過！😏 抹茶雪糕茶味濃郁唔苦澀，茶同牛奶比例啱啱好，唔會落奶落得太重手。雪糕順滑無冰粒👌🏻抹茶嶡餅口感煙韌，抹茶粉有淡淡苦澀，抹茶味突出😙
❤️ 年糕 $48
年糕輕輕炸過唔油膩，外層炸漿好脆好薄，新鮮炸到熱辣辣，配埋清新嘅柚子雪葩，有冰火嘅刺激感🔥🧊 餐廳推薦度：⭐️⭐️⭐️⭐️ (4/5)
二人前套餐都幾抵食，呢個價錢食咁多樣嘢，再加埋呢個地理位置，都真係難得。節日帶另一半慶祝都唔錯😏
👇🏻補返Menu相：
張貼
