Ocio (東港城) (已結業)

見到東港城呢間Cafe午市同晚市都有套餐,價錢係Cafe黎講都算幾抵食,決定黎試下🙈我地夜晚去比較少人,見到有唔少叫德國鹹豬手,份量都幾大盤😂食物黎講算係幾抵食,價錢適中,Dinner既Set Menu有跟湯跟野飲,飲品就只限33蚊或以下既選擇,基本上就係檸檬茶檸檬水個啲,當然揀其他就補返差價🙈《西班牙辣肉腸海鮮焗飯 $158》呢個西班牙辣肉腸海鮮焗飯份量都幾大份,食完好飽肚,面頭有少少飯焦,整過味道較清淡,而且都幾多海鮮粒,有兩隻蝦同青口,蝦都幾彈牙,個飯就屬於粒粒分明個種,同傳統個種有啲唔同🙃建議汁既份量可以多少少🤔隨餐跟個蘑菇湯,唔算好濃郁個種,較稀身但有蘑菇粒,味道都還可以🙈《水牛城雞搥 跟餐+$48》水牛城雞鎚估唔到幾好食,冇平時食個種水牛城雞搥咁濃味,炸得幾脆,輕微辣辣地,唔錯👍🏻而且跟餐叫都幾抵食,都有成5隻雞搥!薯條都炸得好脆口,冇乜點落鹽,不過本身個醬汁已經好夠味!《奧斯蜜瓜雪山熱香餅 $108》餐廳招牌甜品之一,熱香餅係蛋糕質地,配雪糕食唔錯,食食下發現熱香餅底下有啲蜜瓜啫喱,質地比較實正😂蜜瓜好甜,好大個,食完都幾飽肚🙈如果蜜瓜切埋就更好了,食得更方便🤣Ocio