禮記 (已結業)

將軍澳南係呢年黎真係開左好多間餐廳，不過之前跑開步🏃‍♀️見開既都係西餐、泰菜呀同cafe多，今次咁岩見到開左間新派中菜，就帶埋老媽子去食下🥰入到去間餐廳，裝修同埋碗碟都好骨子，好精緻😍等我地兩母女食下環境一睇menu，原來禮記都有點心食，不過就只係去到4點幾，晚市無😩唯有試住小菜先啦椒鹽魷魚鬚：食落幾香口，又脆，不過本人鍾意鹹少少，所以再問waitress拎多少少椒鹽加入去😝懷舊鳳梨咕嚕肉：將碟咕嚕肉放係個架上，好多中國風味，未食個感覺已經好好😂食落咕嚕肉，酸味味，好開胃，鳳梨都幾夠甜，食完會停唔到口羅漢竹笙上素：成日出街食，真係太多肉，而呢道菜有竹笙、木耳又好爽口，加埋蘑菇、筍、菜芯，清清地唔濃味，好健康👍食多d都唔怕銀芽肉絲脆麵：個脆麵一上，我同媽咪都嘩左一聲，佢整到定係半空中成個瀑布咁放係鐵板上面，黎到之後職員先再淋汁同埋剪個脆麵。食落脆口既麵，加埋個汁濕濕地，唔錯，不過略嫌肉絲唔夠多，但配左銀芽好有咬口👍我媽咪就好like😂🌸呢到可以叫紅、白酒架