禮記 (已結業)

難得放假就入將軍澳搵屋企人之後就一齊去donki 行街行完見有啲肚餓我哋就喺附近搵嘢食屋企人鍾意食中餐最後選擇呢間餐廳食晚餐。一坐低侍應就會問你想飲邊款茶我就選咗玫瑰荔枝味，入口好清香帶有大有荔枝香味同少少甜味。酸甜大海蝦脆麵一上枱大家都非常之驚訝因為成個造型十分特別非常適合打卡，對筷子好似凌空掛起左啲面咁好得意，當你影完晒相之後侍應就會幫你剪碎啲麵同埋林啲酸甜汁上去，免頭有五隻大蝦全部都大大隻啖啖肉，成個面嘅份量非常之大足夠三至四人分享，啲麵條咬落趣不不非常香口配埋啲酸甜醬汁食好開胃。麻辣口水雞面頭有些少花生碎同䓤花雞肉食落好嫩滑，配埋啲麻辣醬汁好好味唔會太辣。瑤柱魚滑上湯浸時菜湯底白雪雪，飲落濃郁魚湯味入面有好多鯪魚滑同小棠菜，上枱係用咗個石煲嚟裝住可以保存溫度夠熱。整體呢間中菜廳環境幾別緻新穎，雖然價錢偏貴但係味道不錯絕對可以一試。