koi (已結業)

將軍澳新開西日料理小酒館Koi， 當日都試左唔同菜式可以介紹下！辣味吞拿魚米餅都有啲Fusion，米餅就好似炸左既壽司，加埋辣味吞拿魚同青椒，感覺幾開胃！原隻天婦羅虎蝦辣卷唔算好辣，都算惹味！黑椒汁炸雞配熏醃白蘿蔔他他醬，都幾多舊而且雞件都幾滑，炸出來都好熱，配埋白蘿蔔他他醬，都可以解解油膩！照燒汁鵝肝鍋飯都幾驚喜，初初見佢加左蘋果粒以為會唔夾，點知酸酸甜甜令食落無咁滯，而鵝肝既油脂撈埋落啲飯度都幾香，都唔錯！甜品方面，紅豆枝豆糰子都幾特別，無諗過枝豆可以喺甜品度出現，但味道唔違和，糰子都幾軟糯！法式奶凍（宇治抹茶及醬油焦糖），醬油焦糖都特別，焦糖嘅甜味中帶出醬油嘅鹹香，配埋奶凍食都幾好，宇治抹茶奶凍就基本上都幾好！