霸嗎拉麵 (已結業)

星期日見同老公得閒落街二人世界食拉麵。中午呢兩點幾唔算多人好快就有位入去啦，一入去飲番杯冰水先出邊天氣熱辣辣。我哋叫咗兩碗拉麵一份餃子，落單好方便自己畫好之後交俾店員就可以啦。我哋叫咗一個濃厚豬骨豚肉玉子拉麵，拉麵我哋揀咗硬麵，溫泉蛋做得好好入邊仲有少少流心，豚肉好林， 湯底同個名一樣好濃郁。辛辣炙燒豚肉拉麵我好鍾意食辣，但又唔係食得好辣，叫咗個小辣對我來講就啱啱好啦。帶有辣味既湯底，更加吸引。羽根燒餃子見到個餃子送上枱真係勁吸引，佢整得超靚，連着一大塊脆脆。下次再嚟真係想試吓佢個期間限定嘅龍蝦拉麵。