影片
更多
2020-04-07
54 瀏覽
好多人都會覺得將軍澳係美食沙漠，因為大部份都係連鎖餐廳，但其實隨着好多新住宅嘅落成，好多新商場都會有唔同特色嘅食肆，作為一個將軍澳人，平時都會去海旁散步，經過呢一間裝修得幾有東南亞風情嘅餐廳，就決定入去chill下。其實呢間餐廳仲有戶外嘅座位，不過佢哋比較近海旁，夜晚都會有少少風，所以今次選擇咗坐室內。望一望個餐牌發現原來餐廳提供泰國，印度，馬來西亞，甚至越南菜式，一次過滿足晒大家最近去唔到旅行嘅願望。一坐低梗係叫杯cocktail chill下， 我叫左grapefruit mojito,帶有薄荷口味又酸酸甜甜，夏天飲一流。朋友叫咗杯refresh your mind, 帶有蘋果汁檸檬汁同薄荷口味，個杯嘅外型亦都好趣致，令人心情大好。通常食東南亞菜都會叫冬陰功湯，今次想試新野，所以叫咗呢個牛尾湯。佢係一個馬來西亞菜式，聽講用牛肉同牛髓煲湯有強筋壯骨嘅效用，而且味道特別，清甜得黎唔算過於油膩。呢個越式米紙素卷入面住牛油果，最有驚喜係個醬汁，一開始唔知道係Wasabi味所以一次點左太多，軟滑既牛油果配埋Wasabi醬令我以為自己食緊三文魚刺身，呢道菜式好啱食素嘅人。重頭戲就係椰漿牛肉咖喱
望一望個餐牌發現原來餐廳提供泰國，印度，馬來西亞，甚至越南菜式，一次過滿足晒大家最近去唔到旅行嘅願望。
Grapefruit mojito
12 瀏覽
0 讚好
0 留言
一坐低梗係叫杯cocktail chill下， 我叫左grapefruit mojito,帶有薄荷口味又酸酸甜甜，夏天飲一流。
Refresh your mind
5 瀏覽
0 讚好
0 留言
朋友叫咗杯refresh your mind, 帶有蘋果汁檸檬汁同薄荷口味，個杯嘅外型亦都好趣致，令人心情大好。
牛尾湯
11 瀏覽
0 讚好
0 留言
通常食東南亞菜都會叫冬陰功湯，今次想試新野，所以叫咗呢個牛尾湯。佢係一個馬來西亞菜式，聽講用牛肉同牛髓煲湯有強筋壯骨嘅效用，而且味道特別，清甜得黎唔算過於油膩。
越式米紙素卷
8 瀏覽
0 讚好
0 留言
呢個越式米紙素卷入面住牛油果，最有驚喜係個醬汁，一開始唔知道係Wasabi味所以一次點左太多，軟滑既牛油果配埋Wasabi醬令我以為自己食緊三文魚刺身，呢道菜式好啱食素嘅人。
椰漿牛肉咖喱
6 瀏覽
0 讚好
0 留言
重頭戲就係椰漿牛肉咖喱，佢亦係一個馬來西亞嘅特色菜。加咗椰漿令到咖喱嘅口感更加濃郁，牛肉亦都燉到軟化，非常入味。
佢嘅味道帶有甜味同微辣，所以我朋友唔係好食得辣都覺得非常之香同易入口。
印度酥油薄餅
14 瀏覽
0 讚好
0 留言
配上印度酥油薄餅真係一流，薄餅上嘅時候熱辣辣，點完咖喱都保持到香脆嘅口感。
椰子雪糕
11 瀏覽
0 讚好
0 留言
最後叫咗個椰子雪糕作為呢餐晚餐嘅終結，我掛住影相打卡，老闆就提我快啲食如果唔係雪糕會溶食落好清甜同creamy, 真係睇得又食得。
食完一個咁有東南亞風味嘅一餐之後就沿住海旁散步返屋企，雖然位置距離將軍澳市中心有啲遠，但係我絕對會為咗享受呢度嘅情調再返嚟食。
張貼
