泰Grill (天晉匯)

性價比💰：🟢🟢🟢🟢🟢美味程度🥞：🧀🧀🧀🧀🧀將軍澳泰國美食!位於天晉匯一期地下，去開將軍澳站果頭真係可以去試一下，好味!🍳泰式菠蘿炒飯套餐呢個係有餐叫既，唔洗散叫，好經濟上碟果時最震驚係有一截原條菠蘿，切好左可以直接篤出一口大小的鮮菠蘿飯入面有海鮮，配埋隔離既肉鬆勁好味。我比好高分🍳粒粒菠蘿梳打、蛇皮果梳打特飲的話，賣相我係欣賞既，但杯真好大，放係枱度飲會有少少唔方便，我覺得可以食泰式奶茶會就手一啲🍳串燒 (半打) (雞,牛,豬)招牌串燒，加埋串燒醬無得輸🍳肉碎生菜包、青木瓜沙律生菜包明顯係用左好高級既菜，硬身得黎又爽脆。辣度可以落單果時選擇，少辣都幾惹味。菜係好好食，搞到後黎啲朋友搶哂啲菜黎包，最後唔夠菜去整埋最後的肉碎哈🍳泰式酸辣魷魚最鐘意就係食魷魚，上碟之後好快比啲朋友清左。黎到係必叫🍳泰式小食拼盤、炸蝦餅只叫小食拼盤，蝦餅唔會夠分，太過好食喇。多朋友食，一定要額外叫多個蝦餅🍳芒果糯米飯鮮芒果+黑米+糯米，三重滋味。真係食泰國野係一定要叫個芒果糯米飯🍳椰汁糕超超超超級好食，全部朋友都大讚佢上面係椰汁糕，下面係類似大菜糕我第一次食呢種款既糕，只能講如果你未食過，一定一定要試