影片
更多
2024-04-25
2563 瀏覽
將軍澳海濱長廊呢間地中海風餐廳the Hunter裝修勁有異國風情打卡夠晒格調,望住海吹着海風嘆美食，人生一大樂事。❤️今次試咗佢個lunch set 都唔錯，誠意推薦俾大家. 三道菜午餐有前菜、主食同甜品. 前菜有四款選擇，主食就有八款價錢豐儉由人，甜品係固定視乎當天供應. 餐飲可以選擇Soft drinks或者橙汁，或另加錢轉咖啡. 最平嘅set$168起就可以體驗吓呢個咁靚嘅環境，豪少少大概$400左右. 其實餐廳係出名食牛，店內有自家乾式熟成櫃超專業，不過朋友唔食牛，我哋就試吓其他菜式方便開心share. ⭐️大蝦沙律大蝦爽身，青木瓜絲好爽口酸酸甜甜，雜錦生菜好新鮮. ⭐️藜麥沙律配搭超豐富色彩繽紛好健康，除咗藜麥，仲有番石榴籽、松籽、羽衣甘藍，醬汁係橄欖油同檸檬汁，好清新輕盈，咬落好有層次口感. ⭐️骨羊扒羊扒香而不氈，香草調味惹味. 幼條薯條份量勁多炸得好香脆唔油膩. ⭐️煎鯛魚配甜椒茄子蕃茄魚皮焦香魚肉嫩滑，配上意大利蕃茄醬製成嘅蔬菜配菜好開胃. 是日甜品係士多啤梨雲呢拿雪糕蛋糕. 質地幾厚實但咬落鬆軟. 入口唔會太甜，士多啤梨醬好滑好creamy，混埋雪糕食好滿足. 食完仲可以
將軍澳海濱長廊呢間地中海風餐廳the Hunter裝修勁有異國風情打卡夠晒格調,望住海吹着海風嘆美食，人生一大樂事。❤️
今次試咗佢個lunch set 都唔錯，誠意推薦俾大家. 三道菜午餐有前菜、主食同甜品. 前菜有四款選擇，主食就有八款價錢豐儉由人，甜品係固定視乎當天供應. 餐飲可以選擇Soft drinks或者橙汁，或另加錢轉咖啡. 最平嘅set$168起就可以體驗吓呢個咁靚嘅環境，豪少少大概$400左右.
其實餐廳係出名食牛，店內有自家乾式熟成櫃超專業，不過朋友唔食牛，我哋就試吓其他菜式方便開心share.
⭐️大蝦沙律
大蝦爽身，青木瓜絲好爽口酸酸甜甜，雜錦生菜好新鮮.
⭐️藜麥沙律
配搭超豐富色彩繽紛好健康，除咗藜麥，仲有番石榴籽、松籽、羽衣甘藍，醬汁係橄欖油同檸檬汁，好清新輕盈，咬落好有層次口感.
⭐️骨羊扒
羊扒香而不氈，香草調味惹味. 幼條薯條份量勁多炸得好香脆唔油膩.
⭐️煎鯛魚配甜椒茄子蕃茄
魚皮焦香魚肉嫩滑，配上意大利蕃茄醬製成嘅蔬菜配菜好開胃.
是日甜品係士多啤梨雲呢拿雪糕蛋糕. 質地幾厚實但咬落鬆軟. 入口唔會太甜，士多啤梨醬好滑好creamy，混埋雪糕食好滿足. 食完仲可以海邊漫步，想有情調啲仲可以搭船過筲箕灣，搵日試吓先.
13 瀏覽
0 讚好
0 留言
12 瀏覽
0 讚好
0 留言
11 瀏覽
0 讚好
0 留言
19 瀏覽
0 讚好
0 留言
張貼
