和大人

營業中

休息中

晚上到海旁散步，行行發現呢一家港式甜品小店。夜晚七點幾，所以都唔多人，唔使等就有位。一向比刨冰，更愛雪花冰。甜品到類似雪花冰但叫做綿綿冰嘅甜品，立即點咗個益力多味佢哋推介嘅嚟試吓。上到枱，連隔籬位嘅女士都即刻話「嘩你哋個甜品好靚喎」最搞笑嘅係佢同收銀嘅店員好誠實直接咁講，「你哋甜品嘅賣相，比起喺餐牌上面嗰張相靚好多，係咪要考慮改善吓你哋個餐牌呢？ 」🤣益力多綿綿冰嘅味道真係唔錯，但係耍咗喺上面彩色好靚，嗰啲裝飾脆脆同果粒粉紅色棉花糖就不敢恭維了，只係好睇唔好食，真係想叫佢不如慳返唔使加俾我啦。🤣另外再叫做多仙草加花奶加芋圓加紅豆加朱古力雪糕。仙草底$16 ，芋圓同紅豆各加$5 ，花奶就加多$3。最貴係舊朱古力雪糕要加$10。如果唔使加舊雪糕， $29仲有呢碗仙草紅豆芋圓咖啡椰汁！其實都幾抵食吓，味道都唔錯。下次行過會再嚟試。