浜燒太郎 (已結業)

將軍澳近海旁的一帶位置越黎越多新餐廳，同Honey在海旁散步後，就來到新開不久的浜燒太郎共聚晚餐。海膽（$108）是完整的一板馬糞海膽，粒粒分明、完整，味道幾鮮甜，可以就咁食或包著紫菜食都同樣美味，作為前菜算是唔錯的選擇。三色蟹蓋甲羅燒（$128），三色是大粒飛魚籽、蟹肉和馬糞海膽，經過一輪浜燒後，飛魚籽、海膽融入哂蟹肉當中，雖然蟹蓋唔算大，每一口的甲羅燒都口感細滑，令人回味。帶子烏賊燒（$58）味道似是大阪燒，表面都是有沙律醬、燒汁，紫菜，夾住有幾粒帶子，外面的邊邊位燒得外脆，味道都幾好。海鮮丼（$138）選用的刺身海鮮種類多，三文魚、油甘魚、魷魚、吞拿魚、甜蝦、蟹棒、大粒飛魚籽粒、帶子、鯛魚，刺身味道很鮮甜，而丼飯就似用了上茶漬飯，味道有淡淡的甜味。豬軟骨醬油拉麵（$98）醬油湯底幾濃味，豬軟骨鬆軟，拉麵硬度煮得剛剛好，溏心蛋有陣陣流心的甜味，食完後，就會發現隻碗原來幾有中國詩意，碗中印上李白、杜甫、白居易的詩。