Running 燒 (已結業)

將軍澳雖然多嘢食，但係想搵間韓燒都真係冇乜邊幾間，但竟然比我搵到一個神秘嘅角落，開咗呢一間旺角都有分店嘅韓燒！！未嗌嘢食之前，出面已經擺到成個自助餐咁，除咗有啲熟食同沙律之外，仲有好靚嘅甜品同埋雪糕、飲品等等。尤其係佢嘅雪條，竟然可以任食Dreyer's！！我自己一口氣都食咗兩條！而飲品方面雖然佢嘅飲品款式唔多，但係佢竟然有一個好聰明嘅自助熱飲機！過程好方便，而且一啲都唔會熱親隻手。之後職員俾咗個QR code我地scan，電話上嘅款式都幾多，竟然仲有海鮮類同埋熟食，有炸雞同一啲飯同麵。肉類我同朋友都嗌得幾多，因為想試晒佢哋唔同嘅口味，個人覺得最好食當然係佢嘅豬頸肉同埋五花腩，將佢包埋啲韓式辣醬放喺生菜食，完全覺得自己去咗韓國咁！佢嘅海鮮仲有生蠔同埋扇貝等等！真係食到我同朋友兩個好飽！