影片
更多
2021-11-17
43 瀏覽
同朋友去開將軍澳，行埋Donki，行到攰見倒Donki入面有度神秘嘅玻璃門，可以穿過天橋去第二喥，發現原來係商場嘅另一面，有好多嘢食，就揀咗間見有串燒部嘅日本嘢🇯🇵間日本嘢都幾多嘢揀，漬物我哋就揀咗🧄鏗蒜味噌漬（$48），應該從來冇試過食蒜頭咁有甜味😆質感仲係保持挺身，少少爽口嘅，帶有少少蒜味，然後有非常日式嘅甜味為主軸前菜就揀咗🐟🥗吞拿魚蓉豆腐水菜沙律（$88），吞拿魚蓉舖滿咗成個底，變咗碟中碟🤭豆腐切成小方格，仲有開半嘅小車厘茄，沙律菜都係小段咁，所以好方便細細啖咁食，配料仲有紫蘇、青葱、胡麻。串燒方面揀咗4款，都幾欣賞餐廳每款串燒都精心挑選，配上唔同嘅醬料及配料👍🏻$38 雞砂肝🐥見個名咁特別就叫咗，原來係雞腎😆佢燒得好好，有5粒，爽口度適中，用上汁燒、芝麻。另外比較特別啲嘅雞串燒仲有雞心喉同雞尾。$58 厚切牛舌芯🐮燒得真係啱啱好，牛舌一燒過火就會好韌，燒唔夠就會好有食緊牛條脷嘅感覺🤪佢燒到出面有啲爽口，入面仲係軟身，有肉汁及牛肉味，加上鹽麴葱醬，再清新啲，一啲都唔會覺得膩$42 加拿大豬拖羅🐷平時食拖羅多數係食魚生，所以見有豬嘅拖羅就點咗，又係燒得好好，厚切又保持倒入面嘅肉汁
間日本嘢都幾多嘢揀，漬物我哋就揀咗🧄鏗蒜味噌漬（$48），應該從來冇試過食蒜頭咁有甜味😆質感仲係保持挺身，少少爽口嘅，帶有少少蒜味，然後有非常日式嘅甜味為主軸
前菜就揀咗🐟🥗吞拿魚蓉豆腐水菜沙律（$88），吞拿魚蓉舖滿咗成個底，變咗碟中碟🤭豆腐切成小方格，仲有開半嘅小車厘茄，沙律菜都係小段咁，所以好方便細細啖咁食，配料仲有紫蘇、青葱、胡麻。
串燒方面揀咗4款，都幾欣賞餐廳每款串燒都精心挑選，配上唔同嘅醬料及配料👍🏻
$38 雞砂肝🐥
見個名咁特別就叫咗，原來係雞腎😆佢燒得好好，有5粒，爽口度適中，用上汁燒、芝麻。另外比較特別啲嘅雞串燒仲有雞心喉同雞尾。
$58 厚切牛舌芯🐮
燒得真係啱啱好，牛舌一燒過火就會好韌，燒唔夠就會好有食緊牛條脷嘅感覺🤪佢燒到出面有啲爽口，入面仲係軟身，有肉汁及牛肉味，加上鹽麴葱醬，再清新啲，一啲都唔會覺得膩
$42 加拿大豬拖羅🐷
平時食拖羅多數係食魚生，所以見有豬嘅拖羅就點咗，又係燒得好好，厚切又保持倒入面嘅肉汁，少少肥美嘅豬香味，加上梅醬又解解膩
$48 茄子🍆
平時最中意就係食完條燒茄子，上碟時佢同一般嘅感覺好唔同，啲皮同肉都啖色啲。係可以連皮食都唔韌嘅，肉質就軟嫩鮮甜，好夾咸香嘅味噌，再有蒜蓉就更加香口
炸物方面就叫咗自家製松露磨菇糕（$88/4件），上碟好夠熱，有啲似釀豆腐咁，唔同嘅係依家係用炸漿，入面放入打滑咗嘅磨菇蓉同松露醬，味道好豐富，配上沙律醬，可以解膩，而且好夾個脆皮
主食就叫咗🐍🫖🍚鰻魚茶漬飯（$68），冇諗過可以咁抵，仲要嚟到都大份，啲鰻魚大約有4-5嚿，勁軟滑，冇骨，加埋啲軟綿綿嘅飯，暖粒粒好正，再加咗飯素、青葱、紫菜等配料，添上少少啖啖嘅清香，唔會蓋過飯香及成道菜相對濃郁味道嘅鰻魚味
甜品就叫咗🍡年糕（$48），又有驚喜，冇諗過呢個價錢上碟都咁靚，你會覺得起碼要$100先食倒，條狀嘅炸年糕好似起火嘅柴咁交叉疊起，旁邊有野莓粒、仲有一大球柚子雪葩。炸年糕比較有咬口啲，適合送酒，或者配側邊嘅柚子雪葩都好夾，炸年糕面仲有少量薄荷葉幼條，中意薄荷嘅可以連埋一齊食試下；柚子雪葩好輕身，柚子味幾天然，唔會好假，冰都打得幾碎，唔會食倒有冰粒，入口好滑身好順好舒服
由於第二日朝早要一早返工嘅關係，就叫咗杯🍹無酒精雞尾酒Tropical Delight（$48），賣相真係好似酒精飲品，可以催眠下自己😆
佢最面嘅係一層椰子cream，內層有芒果糖漿、菠蘿芒果汁、番石榴提煉嘅糖漿，同埋檸檬汁，甜同酸味都適中，食串燒時飲下都幾正。
2個人食咁多嘢，都係每人$300頭，好滿足😋
如果好似我咁，中意等候同食飯期間睇👀廚師煮嘢食，睇佢哋嘅分工同交流，就可以揀廚房對出嘅Bar枱位，玻璃窗隔住就係🔥燒烤部喇！
張貼
