蠔站 (將軍澳中心) (已結業)

將軍澳七點要搵位係一個災難。行過呢間無長龍！佢話有張枱埋單，我地等左十分鐘就入到。價錢唔算好抵又唔太貴。不過佢行埋黎話有十蚊一隻既生蠔，無限點幾多。咁我地就要左四隻加兩個F餐。生蠔唔算好大，不過以十蚊黎講絕對對得住價錢。都鮮甜的。主菜份量比想像中細，我食完其實有啲餓。塊扒其實都ok，不過略嫌熟左少少。我叫medium rare，佢上既時候都六七成。鵝肝好食，不過一兩啖就食完。佢最抵讚係點牛扒既mustard，海鹽同牛油一次過放哂俾你，可以啖啖唔同滋味。