和牛燒肉一郎 (新都城中心二期) (已結業)

好耐無去新都城，依家原來有咁多唔同嘅餐廳，突然好想食燒肉，就揀咗呢間和牛放題試試，有驚喜！日本產黑毛和牛放題 C套餐我地個日揀咗呢個set，有成110款野食，個日食嘅牛黎自鹿兒島，餐廳仲有識別碼比我地check返。舟·盛盒成隻船以海鮮為主，超大條厚肉魷魚，大扇貝同大蝦。爐傳熱好快，野食好快就熟。仲有鰻魚，燒完嘅鰻魚皮好脆，無骨而且肉又彈牙。桶·盛盒用木桶裝住4款靚肉，和牛香滑就不在話下，黑毛豚肉嘅油脂分佈都好靚，燒耐咗少少都唔柴。是日寶箱一大塊和牛肉眼放咗係木盒入面，店員主動話幫我地燒，梗係好啦唔使驚自己唔識燒浪費咗。入口牛油同肉味極重，好軟滑，惹味。極上花盛盒每種肉都圍成一朵花，肉花🤣，好有心思，而且數量認真唔少，有黑毛豬同黑毛和牛，咩都可以試下。和牛薄炙里脊肉配海膽壽司呢個組合幾得意，燒完嘅牛再包住海膽壽司食，外熱內冷。生牛肉刺身唔靚嘅牛都唔會夠膽整刺身，生牛肉口感有啲似吞拿魚，又幾特別。自助區飲品吧有驚喜，有好多蔬果組合嘅果汁，開頭見到都怯怯地，點知又幾好飲，甘筍蘋果美人水唔錯。沙律🥗吧啲菜好新鮮，食咁多肉要食返啲菜中和下。最正係一堆日本雪條，北海道牛乳雪條🍨奶香味超正。