影片
更多
2021-03-18
94 瀏覽
近排唔知點解好想食韓燒，又未有得去韓國，唯有穩搵間韓國餐廳頂頂癮先。晚飯時間去好彩係平日所以唔使排隊就可以入，餐廳環境闊落，一入去就可以望得到自助區。餐廳係半自助餐嘅形式，肉類要喺電話落order，其他熟食甜品同菜之類就喺出面自助區自己攞。一坐低我地就事不宜遲落咗好多款唔同肉類，佢嘅肉主要有豬肉牛肉雞肉同海鮮幾類，我哋咩都叫咗啲嚟食。餐廳好貼心咁樣將唔同嘅肉類分開上，每一個碟會放同一類嘅嘢食。覺得佢整體嘢食嘅好味排名係牛肉&海鮮>雞肉>豬肉。大部份嘅肉都唔會話好鹹好重味，味道啱啱好，牛嘅話牛五花肉片同埋有一款薄薄地嘅牛切片都有好濃郁嘅牛味同埋唔會太肥，個人鍾意包住生菜食感覺冇咁油膩，牛柳粒亦都值得推介，好香同埋咬落去唔會話好難先扯得開。海鮮方面覺得芝士生蠔同魷魚好味，芝士生蠔有少少拉絲加埋啲啲蒜蓉完全係perfect match，不過就要等耐少少時間，魷魚燒完脆脆地好香口。雞肉就覺得有個辣辣地嘅雞幾好食，同埋佢啲雞唔會話好鞋烚烚。最後到豬肉，覺得辣味豬頸肉係咁多款豬入面最好食嘅，一條長身厚肉好足料，另外值得一提嘅係佢嘅上菜速度真係非常快，基本上落單之後三四分鐘左右已經可
餐廳好貼心咁樣將唔同嘅肉類分開上，每一個碟會放同一類嘅嘢食。覺得佢整體嘢食嘅好味排名係牛肉&海鮮>雞肉>豬肉。大部份嘅肉都唔會話好鹹好重味，味道啱啱好，牛嘅話牛五花肉片同埋有一款薄薄地嘅牛切片都有好濃郁嘅牛味同埋唔會太肥，個人鍾意包住生菜食感覺冇咁油膩，牛柳粒亦都值得推介，好香同埋咬落去唔會話好難先扯得開。海鮮方面覺得芝士生蠔同魷魚好味，芝士生蠔有少少拉絲加埋啲啲蒜蓉完全係perfect match，不過就要等耐少少時間，魷魚燒完脆脆地好香口。雞肉就覺得有個辣辣地嘅雞幾好食，同埋佢啲雞唔會話好鞋烚烚。最後到豬肉，覺得辣味豬頸肉係咁多款豬入面最好食嘅，一條長身厚肉好足料，另外值得一提嘅係佢嘅上菜速度真係非常快，基本上落單之後三四分鐘左右已經可以開始燒得。
除咗肉類之外，佢自助餐區都有好多唔同選擇，個人覺得佢嘅泡菜好好食，忍唔住出去裝左幾轉。自助區有唔同嘅醬料可以自己攞返去配肉食，腸同埋菇類呢啲基本野佢都有。另外好特別既係佢有幾個專門擺糖嘅筒，食飯途中都見到好多小朋友走出嚟攞糖返去食，作為家庭聚會嘅地方都唔錯。餐廳仲有唔同嘅甜品不過我哋今次就冇試到，下次有機會先再試下。雖然睇落食野時間好似好短，但我哋兩個人都食到飽到上心口咁先出返黎，一餐滿足左我地食肉獸既份量。
張貼
