泰Grill (天晉匯)

泰Grill今次推介喺將軍澳天晉匯入面有一間泰國餐廳叫「泰Grill」，如果輪椅人士想入去幫襯呢間小店最方便就係入天晉匯商場個入口入去餐廳，因為向街嘅門口有一級，而且比較迫，天氣無咁熱坐喺戶外都幾唔錯！1.冬陰功湯金邊粉（雞肉）$58+凍檸檬茶$5+炸蝦餅$38+椰汁糕$18(9.5/10)呢碗冬陰功湯金邊粉揀咗雞肉，雞肉唔鞋嫩滑，金邊粉爽滑掛汁，冬陰功湯酸酸辣辣好惹味，整碗份量都好多！凍檸檬茶：味道正常，入面有半舊青檸！小食加咗$38有炸蝦餅4舊，每一舊都炸得好香脆，入面蝦膠勁多勁彈牙！甜品就加咗$18有椰汁糕8舊，每一舊椰汁味都勁香，甜度啱啱好！2.生牛肉船麵$62+粒粒菠蘿梳打$15+春卷$18（9/10）呢碗生牛肉船麵份量超多，牛肉嫩滑唔韌，大約都有5大片，湯底有少少似滷水汁味，船麵份量足夠兩人食，cp值好高！春卷：呢個係素春捲，新捲炸得好香脆！粒粒菠蘿梳打：呢個菠蘿梳打入面真係有粒粒菠蘿，一共有四粒菠蘿，咬落好甜再夾埋梳打飲完好醒神，解渴一流！3.泰式酸辣魷魚$148（9/10）呢碟泰式酸辣魷魚食落酸酸辣辣，魷魚大約有20嚿，份量都算幾多，咬落魷魚爽口彈牙，仲有帶少少椰奶香！