影片
更多
2023-02-07
74 瀏覽
將軍澳高質隱世好氣氛Omakase🍣 赤本山📍將軍澳至善街3號澳南海岸SAVANNAH Place地下G07A號舖「糊塗地闖天地，只不過三幅被，只需要隨心編隨手寫結尾，當一個幸福的傻更更的你。」#神奇的糊塗魔藥 #林家謙啱啱係東京返嚟無幾耐，已經思鄉病發，同鄉下嘅美食一日不見如隔三秋，相逢恨晚。適逢今日同友人相約係將軍澳睇子華神嘅<毒舌大狀>，精彩好戲過後當然要醫肚。平時負責搵開好西嘅我義不容辭搵埋將軍澳有乜美食比自己一解鄉愁，一番搜查之後就搵到依間新開兼小小隱世嘅Omakase。.餐廳距離將軍澳站約10分鐘路程， 行至接近海傍範圍，店鋪外觀非常低調，外牆漆黑一片，神秘感十足。但甫踏入餐廳迎面而來就係餐廳一張貫穿整間餐廳嘅壽司吧枱，氣派十足，裝修以木系配合石材做主調，加埋柔和燈光，俾人感覺典雅沉實。就座後侍應就會奉上餐牌確認訂餐，Omakase套餐取其餐廳名字，分別為赤，本，山三款。今日就揀咗❀本❀套餐，網上預約見到已包含30道菜式，非常期待。❀本❀ 💲1780/2位 (原價💲2360/2位)*到訪餐廳當日網上預約可享75折優惠*套餐包括:✥先付 ✥刺身三品 ✥寿し七
赤本山
📍將軍澳至善街3號澳南海岸SAVANNAH Place地下G07A號舖
「糊塗地闖天地，只不過三幅被，只需要隨心編隨手寫結尾，當一個幸福的傻更更的你。」
#神奇的糊塗魔藥 #林家謙
啱啱係東京返嚟無幾耐，已經思鄉病發，同鄉下嘅美食一日不見如隔三秋，相逢恨晚。適逢今日同友人相約係將軍澳睇子華神嘅<毒舌大狀>，精彩好戲過後當然要醫肚。
平時負責搵開好西嘅我義不容辭搵埋將軍澳有乜美食比自己一解鄉愁，一番搜查之後就搵到依間新開兼小小隱世嘅Omakase。
.
餐廳距離將軍澳站約10分鐘路程， 行至接近海傍範圍，店鋪外觀非常低調，外牆漆黑一片，神秘感十足。但甫踏入餐廳迎面而來就係餐廳一張貫穿整間餐廳嘅壽司吧枱，氣派十足，裝修以木系配合石材做主調，加埋柔和燈光，俾人感覺典雅沉實。
就座後侍應就會奉上餐牌確認訂餐，Omakase套餐取其餐廳名字，分別為赤，本，山三款。
今日就揀咗❀本❀套餐，網上預約見到已包含30道菜式，非常期待。
❀本❀ 💲1780/2位
(原價💲2360/2位)
*到訪餐廳當日網上預約可享75折優惠
*套餐包括:
✥先付 ✥刺身三品 ✥寿し七貫
✥卷物 ✥御料理 ✥吸い物 ✥甜品
✥飲品
𖥕梅酒 💲68 ⭐️4.2/5⭐️
梅酒用上富士山杯盛載，儀式感滿分，餐廳選用梅酒更呈深綠色，配合富士山杯相映襯托，與別不同。
入口濃淡適中，酒精感唔重，酒量淺嘅朋友亦都非常適合，成餐Omakase飲得賞心悅目。
梅酒
4 瀏覽
0 讚好
0 留言
✥先付 ⭐️4.2/5⭐️
頭盤上枱令人目不暇給，猶如藝術品般嘅擺盤美色彩斑斕令人食指大動，師傅亦非常專業好客一一介紹各食材處理方法及食法次序等，更令我地學多咗唔少美食知識。
𖥕天婦羅海苔白飯魚脆片
白飯魚沾上蛋白再炸，令到天婦羅更加咸脆薄口，正式為依場味覺盛宴啟航。
𖥕日本紫薯薯芯
將整條紫薯只保留最嫩滑香甜嘅薯芯部分，非常珍貴。而先咸後甜嘅反差亦更突出紫薯嘅香糯甜黏感，可見餐廳餐牌設計亦有巧秒心思。
𖥕36個月西班牙黑毛豬火腿配爱宕梨
以西班牙黑毛豬火腿包裹岡山爱宕梨，入口先係感受到黑毛豬嘅咸香可口，再接住爱宕梨嘅清甜爽脆，又係一鹹一甜恰到好處，百吃不厭嘅配搭。
𖥕柚子啫喱
經過前面幾道先付嘅洗禮，餐廳準備左柚子啫喱作為清洗味蕾嘅間場，入口柚香四溢，準備迎接之後嘅刺身菜式。
先付
3 瀏覽
0 讚好
0 留言
✥刺身三品
𖥕馬糞海膽金箔三文魚籽杯 ⭐️4.4/5⭐️
馬糞海膽本身已經色澤亮麗，再加上金箔點綴，第一道刺身已經係豪華嘅視覺享受，海膽杯入口鮮甜加上粒粒三文魚籽係口腔爆發，滿足感非筆墨可形容，作為第一道刺身料理好滿意。
馬糞海膽金箔三文魚籽杯
2 瀏覽
0 讚好
0 留言
𖥕燒鱈魚白子配酸汁啫喱 ⭐️4.3/5⭐️
白子嘅當造期係冬季，師傅將鱈魚白子以火灸處理燒至表面焦香，基底用酸汁啫喱配搭七味粉調味，白子入口即溶，細滑豐腴，剎那快感過後剩下嘅微酸感餘韻令人意猶未盡。
燒鱈魚白子配酸汁啫喱
1 瀏覽
0 讚好
0 留言
𖥕火灸鯖魚卷 ⭐️4.4/5⭐️
鯖魚通常比起其他魚腥味會較重，師傅用上白板昆布，紫蘇葉及漬物芝麻等調味，然後將鯖魚卷以火灸處理，令肥美嘅魚身更突出油脂感，鯖魚卷入口完全唔腥，再結合各種配料，味道口感更有層次，令依道料理整體非常滿足。
火灸鯖魚卷
3 瀏覽
0 讚好
0 留言
火灸鯖魚卷
0 瀏覽
0 讚好
0 留言
➰享受完先付視覺盛宴同刺身三味嘅味覺啟航之後，正式進入今晚壓軸好戲。
✥寿し七貫
𖥕真鯛⭐️3.9/5⭐️
亦即赤鱲，第一貫由淡至濃循序漸進先上白身魚，真鯛肉質細緻柔軟亦唔會太淋，味道淡口得嚟亦帶有鮮味。
𖥕火灸紋甲魷魚⭐️4.2/5⭐️
師傅先將魷魚𠝹花再火灸處理，除咗增添美感之餘，更能清除魷魚表皮嘅苦澀，最後加上青檸汁稍稍提鮮，細節決定成敗，入口咀嚼下便能品嚐紋甲魷魚嘅鮮甜軟糯及黏稠膠質。
𖥕奄美大島中拖羅 ⭐️4.1/5⭐️
餐廳選用南九洲奄美大島野生拖羅，肉質較為緊實，脂肪感較低，雖然唔會有入口即溶嘅感覺，但就較為清爽同食到魚鮮味。
火灸紋甲魷魚
0 瀏覽
0 讚好
0 留言
𖥕北海道羅臼熟成寒鰤魚 ⭐️4.4/5⭐️
師傅一邊準備食材一邊為我地講解，正值北海道漁獲豐收期間，寒鰤魚亦即係我地平時食嘅油甘魚，但原來只有野生嘅油甘魚可以生長到6kg以上，先有資格成為我地今日食到嘅寒鰤魚，而今日見到嘅依條更係達到12kg，非常珍貴。
寒鰤魚經過熟成令肉質變得鬆軟，釋出魚油令魚味更為濃郁，雖然會加重咗魚肉嘅腥味，但師傅加上柚子胡椒中和，令整體味道層次感非常豐富，今日最愛非佢莫屬。
𖥕富山灣小白蝦 ⭐️4.3/5⭐️
被稱為富山灣寶石嘅小白蝦足足用上20隻以上先可以製作一件壽司，師傅更係慢工出細火逐隻逐隻小白蝦鋪滿壽司飯上，入口膠質豐腴，綿密鮮甜，唯一投訴就係吞嚥過後鮮甜餘韻仍在口腔回蕩，令人意猶未盡。
𖥕醬油漬旗魚 ⭐️4/5⭐️
頗為令人意外嚟到尾聲仍選用白身魚奉客，來自宮城縣氣仙沼市盛產嘅旗魚，師傅隨即解惑，利用醬用漬處理令旗魚充分上色，無論魚肉口感同魚油釋放都會令層次提昇，入口咀嚼魚身爽口程度頗有驚喜，但可惜稍為略咸，搶去魚鮮味。
富山灣小白蝦
0 瀏覽
0 讚好
0 留言
北海道羅臼熟成寒鰤魚
0 瀏覽
0 讚好
0 留言
𖥕北海道馬糞海膽 ⭐️4.2/5⭐️
師傅拎出原盒海膽，吸引全場目光，大家都屏息凝神靜候師傅製作，師傅亦無令我地失望，慷慨大方將肥美海膽滿滿奉上，入口即溶，鮮甜無比，用以作結壽司環節非常滿足。
北海道馬糞海膽
0 瀏覽
0 讚好
0 留言
✥卷物
𖥕火灸拖羅魚蓉卷 ⭐️4.4/5⭐️
係我地間場把酒言歡風花雪月之際，師傅亦開始埋頭苦幹製作下一道料理。
眼見師傅即場拎出拖羅魚身，先是分解繼而挑骨，一步一功夫，就係拖羅魚蓉卷即將成形之際，師傅徐徐拎起火槍開始即場火灸，𣊬間吸引全場目光，魚油脂香更係立即湧出，又再享受咗一場視覺盛宴。
拖羅魚蓉魚味濃郁不在話下，火灸逼出魚油後更添脂香，配合香蔥等配料，入口質感軟腍，層次豐富。
火灸拖羅魚蓉卷
0 瀏覽
0 讚好
0 留言
火灸拖羅魚蓉卷
1 瀏覽
0 讚好
0 留言
➰酒過三巡之後，終於迎嚟今餐Omakase嘅尾聲。
✥御料理
𖥕北海道蟹肉斧飯 ⭐️4.3/5⭐️
師傅端出蟹肉斧飯俾我地影相留念，往常食法通常係自己加入配料攪伴調味進食。
但師傅非常貼心幫我地略去烹煮步驟，直接奉上美輪美奐嘅蟹肉斧飯，令人垂涎欲滴。
蟹肉斧飯除左鮮甜蟹肉之外，亦混入蟹子﹑乾蔥香蔥等增添風味，做到色香味俱全，整體層次感好豐富，鮮香濃郁更添惹味，值得令人再三回味。
北海道蟹肉斧飯
0 瀏覽
0 讚好
0 留言
北海道蟹肉斧飯
0 瀏覽
0 讚好
0 留言
北海道蟹肉斧飯
0 瀏覽
0 讚好
0 留言
✥吸い物
𖥕真鯛豆腐味噌湯 ⭐️4.3/5⭐️
接近尾聲，一碗奶白香淳嘅真鯛味噌湯呈現眼前，鯛魚片及豆腐粒真材實料，濃縮精華於湯頭，啖啖鮮味暖意在心頭，準備為依場盛宴奏起閉幕禮。
真鯛豆腐味噌湯
0 瀏覽
0 讚好
0 留言
✥甜品
𖥕朱古力心太軟 ⭐️4.1/5⭐️
今晚最後一個收尾驚喜係甜品環節，因為臨近情人節，餐廳期間限定供應咗心太軟，伴碟有食用玫瑰增添浪漫氣氛，切開之後即時呈現軟滑流心以及濃香朱古力四溢，味道非常濃郁。
朱古力心太軟
1 瀏覽
0 讚好
0 留言
朱古力心太軟
1 瀏覽
0 讚好
0 留言
➰總結
餐廳新張不久，整體裝潢低調沉實有格調，融合石木設計加上燈光調節等都有設計心思。食材時令新鮮不在話下，各式擺盤伴碟器皿各方面細節都用心十足。另外亦好欣賞各位師傅對食材嘅了解同分享咗唔少食物知識，成晚用餐氣氛歡快輕鬆，唔會過於拘謹，所以整體都好推薦依間新鮨店，非常值得嚟體驗一場滿足嘅美食之旅。
張貼
