新樂園魚蛋粉

營業中

休息中

今晚啱啱食完，一個人。食完嘢之後停手㩒電話無耐，個男職員就走嚟收我嘢，以為佢咁勤力，其實想趕客走。其實仲食淨少少通菜係碟度，個男職員無問人仲食唔食，就執走哂啲嘢都算，轉頭就拎條抹過無限次嘅毛巾係度極大動作抹枱。因為本人雙手手踭放咗係枱面㩒緊電話，佢就順理成章用條污糟毛巾抹向我手踭。呢吓已經好討厭，又污糟，已經感覺到佢特登。隔咗陣，佢見我未走，指示其他食客嚟我張枱等位，表示我就嚟會走咁。難道唔俾我忽然想再叫嘢食？做咁多嘢都係想趕客，唔緊要，我走，以後都唔會再幫襯。已經打咗個電話去投訴，再上嚟大肆表揚呢位幫此公司提高效率嘅好員工。