影片
更多
2025-01-02
662 瀏覽
將軍澳 Hygge鴨絲沙律鴨肉絲鬆軟加西瓜，再加上少許pepper同埋啤梨粒，沙律清爽口感又特別，幾好嘅配搭。紅菜頭沙律冰凍嘅紅菜頭多水又多汁，紅菜頭味道淡薄，配上雪梨酒醋入口清爽，加埋caper突出嘅酸味，口感複雜豐富，藉得一試！香煎鱸魚魚皮煎得脆脆香口好食，鱸魚肉質屬於較粗但魚味足兼鮮美，大廚烹調時間掌握啱啱好，外邊煎封香脆，內裏肉汁鮮嫩。白豆蓉加綠汁墊底，滿咀鮮香味濃，味道配搭得細緻複雜。黑松露risotto帶微微黑松露香氣味道，咬落去有生生地嘅口感, 米粒稍為有啲過硬，不過risotto夠晒Creamy。烤豬肉卷Pizza 看似味濃實則味道清淡，配嘅芝士都較為味淡，批底煙煙韌韌幾好食，豬肉卷則冇乜特別感覺。鹹味 芝士Souffle鹹鹹軟滑又Creamy ，墊底蔬菜撈埋香軟芝士感覺好特別，菠菜同椰菜花煮得較為透身軟腍，撈埋creamy芝士一齊食，又有另外一番風味，食完之後夠晒飽肚。燒龍脷魚燒烤烹調程度掌握準確，夠juicy 又無過生或過熟，魚骨微帶血絲。龍脷魚味淡薄，配菜款式夠多但無搶去魚鮮味道，大㕑都做得幾花巧，胡椒加黑欖同埋caper做烤汁吊味配合得恰到好處。Antichok
鴨絲沙律
鴨肉絲鬆軟加西瓜，再加上少許pepper同埋啤梨粒，沙律清爽口感又特別，幾好嘅配搭。
紅菜頭沙律
冰凍嘅紅菜頭多水又多汁，紅菜頭味道淡薄，配上雪梨酒醋入口清爽，加埋caper突出嘅酸味，口感複雜豐富，藉得一試！
香煎鱸魚
魚皮煎得脆脆香口好食，鱸魚肉質屬於較粗但魚味足兼鮮美，大廚烹調時間掌握啱啱好，外邊煎封香脆，內裏肉汁鮮嫩。白豆蓉加綠汁墊底，滿咀鮮香味濃，味道配搭得細緻複雜。
黑松露risotto
帶微微黑松露香氣味道，咬落去有生生地嘅口感, 米粒稍為有啲過硬，不過risotto夠晒Creamy。
烤豬肉卷Pizza
看似味濃實則味道清淡，配嘅芝士都較為味淡，批底煙煙韌韌幾好食，豬肉卷則冇乜特別感覺。
鹹味 芝士Souffle
鹹鹹軟滑又Creamy ，墊底蔬菜撈埋香軟芝士感覺好特別，菠菜同椰菜花煮得較為透身軟腍，撈埋creamy芝士一齊食，又有另外一番風味，食完之後夠晒飽肚。
燒龍脷魚
燒烤烹調程度掌握準確，夠juicy 又無過生或過熟，魚骨微帶血絲。龍脷魚味淡薄，配菜款式夠多但無搶去魚鮮味道，大㕑都做得幾花巧，胡椒加黑欖同埋caper做烤汁吊味配合得恰到好處。Antichoke同埋cauliflower煮熟再燒口感脆嫩特別，鉛筆菇煙煙韌韌好有菇味。全碟雖然油淋淋，食落冇油膩感覺。
紅酒啤梨薄餅
crepe較為厚身，紅酒啤梨冰冰凍凍，啤梨及紅酒味太淡，口感都算可以。
Tiramisu
用crepe做餡料加雪梨酒，雪梨甜酒香味滿溢，可惜薄餅餡料較厚及糊口。
開心果Crepe
未帶酸酸甜甜，開心果咬落脆脆口感覺可以。
海鹽焦糖crepe
鹹鹹甜甜好有特別嘅味道，充滿強勁口味，薄餅相對厚身。
餐廳位處隱蔽偏靜，因為有朋友帶路，如果自己去一定搵唔到入口。烹調屬於年青人fusion款式。裝修新潮簡單，餐具乾淨清潔，餐桌椅凳簡單整齊，空調系統足夠無油煙味，店員殷勤有禮貌親切。
張貼
