Running 燒 (已結業)

好耐冇食燒肉，前晚約朋友試下依間燒肉放題，職員服務幾好，會詳細講解點落單，其他野飲甜品前菜小食就自助，食物質素幾好同選擇算多。肉類要掃QR code落單，有牛羊豬雞海鮮。 選擇困難嘅我決定每款肉嗌一樣試吓邊樣好食。 落單後好快啲野食就上枱，個人覺得羊肉幾好食，有羊味得來冇咩羶味。牛肉都幾嫩，豬頸肉就厚身，食落口感唔錯但有啲難燒。海鮮類方面，蝦都算大隻爽口。另外有炸雞件可以order，我哋試咗柚子味都唔錯。水冷麵都幾好食，夠冰，配燒肉可以中和下油膩感。前菜同小食都有七八款左右、我覺得甜品大細剛剛好。每款有兩三啖，賣相唔錯。味道都還好。飲品都係任飲，各款紙包純茶、可樂果汁茶都有。果然燒肉配有氣嘅野飲好正。最後當然要食返支雪條埋尾，見有Dreyer’s桃味雪條拎枝試下，呢隻牌子其他雪條都好食。喺忙碌得來幾開心嘅一餐燒肉。