麺処一家 (已結業)

厚福街食肆林立，好多時都會路過好多舖頭，因為太多人而無入去。終於有機會試下麵處一家。 近年好多新派拉麵，只顧大堆頭整色整水，完全無嗰種專注做好一碗麵嘅毅力。麵處一家只有一款湯（可能算兩款啦，有辣有唔辣）兩款肉，真正專注做好自己嘅味道。 餐牌上面三款拉麵，其實只係肉嘅分別，慢煮、火炙，同埋火炙加慢煮（我要曬） 🍜妹妹推介，即係慢煮豬肩肉，肉質有嚼勁，比弟弟推介嘅火炙較為清新。麵質適中，湯底味道濃郁，試左一啖朋友嘅辣湯，真係有辣嘅感覺。另外除左有竹筍之外，仲有洋蔥同紫菜。 比起款式繁多但係揀唔落手，專注做好一款味道反而更吸引。