秋田浜燒食堂 (已搬遷) 新店位置

由於預早book檯關係，一去到已經安排位置，不用等候。2人可以安排係4人檯，環境舒服，唔會太迫。餐廳有散叫同套餐，其中一個套餐本身要用AE卡，現在只需要用任何一張信用卡埋單也有同樣優惠。落單後，刺身同沙律好快就到。牡丹蝦、蠔、油甘魚都有鮮味，其他就一般。主菜都好快到，侍應快快手即開爐燒，先燒貝殼類，後燒其他。北寄貝清甜，有鮮味，唔會太韌。到燒帆立貝同鮑魚時，侍應會燒到離殼先，之後拎返入廚房洗好同清除污糟野先再燒，此舉令我覺得衛生些同相對乾淨。帆立貝加上清酒燒，清酒味道相當強烈，但略嫌蓋左鮮味。而鮑魚稍為少少韌，可能燒得耐左少少。燒龍蝦，到最後加上蝦膏同牛油配搭，都幾好食。到甲羅燒，信用卡套餐係冇，特別另外加。內裏有蟹膏，鵪鶉蛋，入口好香口，也可以加上薄脆，兩種食法，幾特別。甜品以蜜瓜作為甜品，可謂一個完美既完結。蜜瓜香甜，令口腔清新。提外話只要上facebook like 食店，就可以玩一次捉蝦遊戲。一隻手一次過捉到幾多隻就可以免費食，仲可以選擇刺身或者燒。但質素比較差次，有些不是太新鮮，有沙。重點推介：甲羅燒總結：環境舒服，服務良好，食物質素都算新鮮。