正宗上海生煎皇 (已結業)

經過深水埗無意發現好想試既上海生煎皇在這裏開分店,就一於入去試吓，但唔係中午時段都好多人都要等一陣，入到去睇見店内裝修一如老闆oscar話齋吾會浪費太多錢去裝修，另願顧客留意食物多d，第一時間坐低就睇吓餐牌有乜食，話明係生煎皇一定要叫生煎包試吓，當然唔少得上海蟹粉小龍包、土匪雞翼配菜飯、炒鱔糊和熱豆漿，在等待美食其間，不停有顧客進來，另外每張枱都貼左張温馨提示，叫各位食生煎包時既步驟，小心燙傷，等左十幾分鐘，皇牌終於出場:包一來，睇賣相以為普通，但一返轉個底原來煎到金黄色好靚慢慢细细啖咬一囗，包面軟绵绵，包底脆咯咯，唔覺油膩，包裏傳出一陣陣香味和好熱既肉湯，真係要慢慢品賞，新鮮滾熱辣蟹粉小龍包，同樣都係熱辣辣，即包即蒸，囗感皮薄肉鲜流汁，不過就得兩粒，唔夠喉土匪雞翼配菜飯:我就覺得差少少 菜飯需然唔油膩但無乜菜味至於個雞翼就乾身d唔夠孜然同辣味，和譚仔雲南米線比差d炒鱔糊就幾大蝶，好多鱔肉好粗，啖啖肉好足料，用來Lo汁送飯正食完噤多好味嘢，就要飲返杯熱豆漿，聞到和飮到好香豆味，而且表層有一層豆衣好正最後找數另外發現左還有新出品期間限定,不過都係下次再試