忘筌茶室

營業中

休息中

今日約咗朋友銅鑼灣聚會，揀咗去忘荃茶室見面，一上到去發現個環境真係好寬敞好舒適，畀人一個好relax嘅感覺，而老闆嘅熱情招待及提供一啲品茶嘅專業意見亦都令我對品搽多咗啲了解 。因應老闆推介我哋揀咗一款中國茶，特級白茶同埋一款日本茶，揀咗日本宇治抹茶，兩款茶都會因應唔同嘅特質用唔同嘅器皿端上，亦都聽咗老闆嘅一啲品茶知識，例如啲茶要泡幾耐飲，同埋係喺咩時候飲最啱。嗰白茶我覺得非常清新可口，飲落去有淡淡清香，後有少少回甘嘅味道，日本抹茶就味道比較濃郁一啲，好有茶味，比一般飲品店嘅抹茶或綠茶簡直有天淵之別。最後一題，因為呢度得四張大枱或梳化，絕對係可以同朋友聚會，或同工作夥伴傾嘢嘅好地方，因為地點又方便而又冇局促嘅感覺。