鮨見 (已結業)

月尾出糧當然要去食返餐好既，我同朋友就去左尖沙咀一間日本餐廳食omakase，呢間小店既師傅喺日本整壽司整左三十幾年，幾年前喺尖沙咀夫妻檔開左呢間店。一路食，可以一路欣賞師傅既功架。食完前菜同埋茶碗蒸之後，就有7款刺身。呢個鮟鱇魚肝超肥美！好新鮮既拖羅啊！食完刺身之後，就有6款壽司。呢度既壽司整得非常好，好有層次感，好似下面呢個壽司咁，拖羅上面仲有海膽，將壽司一啖食落口時，可以feel到唔同既味道喺度衝激緊個味蕾。食完壽司之後，就有呢個海膽杯，呢個海膽杯係有滿滿既海膽，而且係好rich好肥美，完全食得出係用左好好既食材！仲有甜品都好正，用左日本既蜜瓜，勁清甜！喺度食omakase 真係好enjoy，可以一路慢慢同朋友傾計，一路慢慢品嘗師傅既傑作！