Master Kama (已結業)

最近龍蝦包似乎好熱，既然要試就試埋龍蝦熱店。 第一次黎，裝修闊落光亮，感覺都算舒服。 今次叫左龍蝦包同埋海膽茶漬飯。 龍蝦包配既薯條都係兩種薯，即係薯仔同甜薯。原本我對甜薯既期望都幾高，因為係inside out 食過個個真係好味過薯仔薯條。 可惜呢到都係薯仔好食過甜薯。 講返個包，龍蝦肉多既，有一隻拑，啖啖肉又彈牙，唔錯，醬汁亦唔會喧賓奪主，龍蝦既味道依然食得出。 至於個包，我會形容佢係一個無切既美心排包烘脆左兩邊再𠝹開塞啲料入去。真心，個包有少少令成道菜失色既。因為排包咬左落去太軟而又太飽，揀返法包仲之類挺身啲輕啲既可能會更好。 不過無可否認因為佢既軟熟令到個件容易食啲，硬既包普常一咬就散開哂。 到茶漬飯，海膽唔錯，湯亦都俾得好夠，但米唔好，好硬好硬。加上原來海膽咁樣食其實麻麻地，所以擺埋一齊就變左唔夾。佢漬物入面個大根（蘿蔔）超。級。酸。我會用有啲拿喉黎形容呢舊野總括而言，既然佢係專食龍蝦既，我下次會揀返啲拿手好戲黎試，唔好太冒險家精神