新香園 (堅記)

營業中

休息中

經過深水埗知道呢間舖頭好多年歷史呢間舖頭，係我咁多間餐廳裏面食得最多次嘅一間餐廳，起碼食超過30次，不過你哋有個心理準備如果有潔癖嘅人千祈唔好入去，因為佢裏面真係幾污糟，裝修又殘，坐又吾舒服，佢嘅豬手好淋好入味，而且佢個汁好食，感覺係好似唔需要用牙咬，但係佢啲肉同埋啲骨都會分開，而且啲豬手亦都啖啖肉，好出色，係我比較深刻印象嘅，第二我會食佢個西多，因為佢啲醬係有滿瀉嘅感覺，非常之多煉奶和牛油，而且你落埋糖漿，佢簡直係一個非常邪惡嘅食物，同埋佢炸得好香好脆，係真係好出色嘅，另外我好鍾意食佢嘅生滾粥，你一叫佢就會即刻喺出面嗰度即刻煮俾你食。好有心機，而且啲粥嘅口感好好好軟綿綿，所以我都好鍾意食，我係會經常去嘅一間值得推介嘅餐廳。